Mindat-CDF Nih Min Aung Hlaing Le A Ralkap Pawl Nan Meithal Chia Uh Tiah An Au Hnawh Hna

Mindat CDF nih Rallokap ( Min Aung Hlaing ) an terrorist pawl nan hriam chiah uh tiah tukar hrawng cu nifatin ngawt in an auh hnawh hnanak video a chuak lengmang. Midat CDF paraltha an sinak cu kawlram mipi kip hna nih thangthat hna.

Kawram media pawl nih Midat CDF kong hi niikhat ah a tlawmbik voikhat tal cu tial lo in an um bal lo ti tluk in a um cang. An hriam cu Lai Meithal le thalpat te lawng si ko hmanhsehlaw ral an tuknak ah sunghnak an ngeih bal lo mi hrim hrim hi Mindat CDF uar an um khun nak a si. Th Chin Light

Relchap: Yangon Tamine Myotit no.1 ah ralhrang phu he kahdohnak a chuak,minung 4 tlaih an tong Yangon ramthen,Mayankung peng, Myotit no.1 sang, Shwewathun lam(ေရႊဝါထြန္းလမ္း) ah a um mi inn pakhat cu nihin zinglei suimilam 9:30 hrawng ah an luhhnawh hna caah kahdohnak a chuak, mipi lei in minung 4 tlaih an tong tiah khua mi hna sin in theih a si.

“Voi 30 hrawng meithal an puah, kaphnih kar ah i kahnak a chuak, atu ah Shwewathun lam (ေရႊဝါထြန္းလမ္း) le Myootit no.1 sang ning in ralhrang nih an phih, ralhrang motor zong cuka hmun lei ah cun an kal” tiah Tamine Myotit khuami pakhat nih a chim.

Atu Tamine Myotitno.1 pawngkam hrawng le Bayinhnawng(ဘုရင့္ေနာင္) lei ah hramhram nawlngeihnak la tu ralhrang phu hna minung tampi nih zohfel nak le checkhlat nak an tuah tiah theih a si.TCP