Mindat Ahcun Sianghngakchia An Auter Cang Hna

ICJ Suu Kyi dirpinak Mindat cu siangngakchia pawl an auter hna. ICJ biaceihnak kong hi tulio cu a lar bak ko. Chinmi lak zong ah thawngpang lar ngai a hung si.

Rohinya miphun le Tlangcung miphun hna thahnawnnak a tuah i cihmih a timtu Kawl cozah ralkap le NLD hruaitu pawl cu IOC ram pawl ai awh in Gambia ram nih ICJ biaceih zung taza a cuai hna.

Cu kong ah Kawlram chung NLD party le cozah riantuan pawl nih Suu Kyi kan in dirpi ko timi an langhter. Chin ramkulh khuapi Hakha, Falam, Mindat le Matupi zong ah Suu Kyi kan in dirpi ko timi lanhhternak caah December 10, 2019 ni ah lam zawhnak in an langhter.

Mindat khuapi ahcun sianginn kai liomi ngakchia pawl kha an auter hna tiah theih a si. NLD party le cozah pawl nih sianginn kai liomi sianghngakchia pawl kha an auter hna tiah theih a si. Mahhi Suu Kyi dirpinak an au mi hi NLD party pawl hruainak in an tuah mi a si.

Tlangcung miphun hna a kan thattu le kan cihmih a kan timtu, thangcho kho loin a kan tuah tu Kawl ralkap he thinlung khat te in ICJ biaceih zung ah a dirtu ding Suu Kyi cu a party pawl nih kan in dirpi ko tiah an au pi cang.

 

 200 total views,  1 views today

This function has been disabled for Chin 11 News.