Minak Pa Floyd Tthattu Derek Chauvin Nupi A Sining Le A US A Rak Phak Ning Kong: By Zasang Cinzah

Minak pa Floyd tthattu, an tlaih cangmi Palek officer, Derek Chauvin nupi cu a min ah “Kellie Chauvin” a si. Amah hi Hmong Miphun a si i, 1974 kum ahkhan Laos ram ah a chuak. 1977 ahkhan Thailand ah ral an zam. Thailand ram Refugee camp in US ah a rak pem vemi a si.

Derek Chauvin he an iumnak hi kum 10 a si cang nain fa an ngei rih lo. Hipa he an i um hlan ah pasal a rak ngei i fa 2 a ngei cangmi a si. 2018 ah khan USA’s Mrs Minnesota luchin an chinh.

Tulio ah a von lar ngaimi cu, Kellie Chauvin le Floyd an tlaih lio ah mipi a kham lentu Asian pa, Officer Tou Thao kha unau an si’ ti hi a si. An hmanthlak cu an taar tti hna i kengkip ah a vak. Mah cu a diklomi a si an ti. Kellie nih unau/brother cu a ngei ve ko nain Officer Tou Thao hi a si lo.

Kellie hi Asia a si. Officer Tou Thao zong hi Asian a si ve. Cucaah, social media ahhin a diklomi information cu cu biatak tein an vahpi tikah “Hmong Community” cu an thin a phang ngai tiah an chim. Cucaah, Kellie nih a pasal Derek he itthennak a phuan colhmi hi, anmah chungkhar an himnak ding le Hmong Community a him nak ding caah thil ttha ngai a tuah tiah ruah khawh a si, ka ti.

Catialtu: Zasang Cinzah

Source: Washington Post le Newsweek

 485 total views,  1 views today

This function has been disabled for Chin 11 News.