Min Aung Hlaing le a ralkap pawl hi, an chung si a vang tuk cang ti hi fiang tein theih khawh a si. Uknak an lak ni in nihin ni tiang zeihmanh an tuah kho taktak lo.
Min Aung Hliang Nih Chin Miphun cu zei te-ah a kan rel lo pinah CNF/A hna cu capo men ah a rak chim. A sinain nihin ni ahcun Min Aung Hlaing le A ralkap nih Chim Miphun cu a zei ti hmanh in a kan tei ti lo.
Tunai Khuahringtlang kah dohnak ah Ralhrang cu 17 bak an thah hna i, Ralkap cu hnu tolh in, Kuangpi nel hrawngah hmunhma an la than. Ralkap nih hin chunzan nawn in meithal an puah. Mah meithal an puahnak a ruang hi, CDF/CNA nih an kan nam than sual lai ti, an phang tuk caah an i cerhro nak sawksawh a rak si.
Nizan tlangkhua pawng thilcangmi kongah CDF/CNA nih fawi tuk in kah khawh a si ko. Zeiruang ah dah hnu an tolh tiah cun Khua he aa hlat lo caah Khuami an tuar sual lai ti an phan caah hnu an tawlhmi tu a si. Atu an sining pawngkam um nih an chimmi tete ruah tikah atu hi Kawl ralkap nih an zenhtuk hna, Cung lei nawlpekmi tu an el ngam hna lo caah a si.
Harsatnak a tongmi vialte hna nih kan theih dingmi cu, kanmah lawng harsatnak a tongmi kan si lo. Chin miphun kan dihlak in harnak hi kan tong ko hna lai. Atuan le a tlai cio khi kan si ko cang hna. Harsatnak le lungretheihnak kan tonmi hi, hmailei kan luatnak le zalonnak lam a kan petu a si hrimhrim lai.
Min Aung Hlaing le a ralkap pawl hi Chin ram ah an siivang tuk cang, Zei ca tiah Chin Miphun nih kan ngamhtuk hna, Kan tei hrimhrim hna lai. Teinak kan hmuh hlan tiang kan doh hna lai. Teinak cu Bawipa ta si. Bawipa nih a umpi mi Chin Miphun kan si. Amen
Leave a Reply