Min Aung Hlang Caah Chummui A Tlung Chin Lengmang Cang!

Ralkap Boci Lin Htet Aung a zam ralkap pawl an dirhmun fiang tuk in a chim. Lin Htet Aung hi Boci a si. Ralkap nih ning cang lo tuk in mipi an thahmi a hmuh tikah a nun nih a celh lo i a zam. A chimnak ah ralkap bawi 75% cu cung lei nawlpeknak tang ah an um an luat kho hna lo i si. Uknak lakmi zong an duh cu si lo. An zam khawh lo caah tu ah a si.

Cun kawl ralkap hi ting 3 hrawng lawng kan tan cang. A bik in ral a tu khomi cu an tlawm te cang. Federal Army a dir tak i tuk kahnak um cun Federal lei a lut ding ralkap an tampi tiah RFA nih bia an halnak ah a chim. A nolh rihmi cu 100% kan tei lai.lungdong lo in doh rih ko u sih. A ruah hlan ah teinak kan hmuh lai tiah a ti.

Amah Boci Lin Htet Aung cu a hawi le he an zam i ralkap nih an dawi hna caah a hawile cheukhat cu tlaih an tong. Cheukhat cu a luat. CRPH hruainak in Thai le Kawlram ramri hrawng ah a zam.Credit: Tluang Ceu Thang

Tamu Kahdohnak ah Myanmar ralkap 13 an Thi; Nihin Tamu khua ah chun sml. 11:30 in 12:45 tiang hrawng ralkap le mipi karlak kahdohnak a chuak i ralkap lei in minung 13 an thi, tiah thawng kan theih. Tamu khua ah chungkhar he a um mi Laimi pakhat nih, “Nihin chun 11:30 hrawng khan an i kap.

Kan umnak Sadaku sang pawngte ah a si i, a tu hi innchung ah kan i thup ko hna. Lenglei in meithal kah thawng le puah thawng cu a thang lengmang ko,” tiah a chim. “Mipi lei in a thimi zong an um. Leng kan chuak ngam hna lo i thil sining fiang in kan thei lo.

Ralkap 10 lengpi an thi tiah an chim cu kan theih,” tiah Tamu ummi Laimi pakhat nih a chim. Nihin Tamu kahdohnak ah mipi lei in minung pahnih an thi i, ralkap lei in minung 13 an thi, tiah Mizzima nih a langhter. Credit: The Chin Journal