Min Aung Hlaing Uico Cu Fak Taktakin Ralrin An Pek Cang!

Kalay Sianghleirun ah President a rak tuan mi Dr. Thar Tun Maung cu tulio Kawlram ah hramhram in uknak latu Ral Lo Kap pawl nih April 22 ah khan Dagon Sianghleirun ah an thial.

Hi kong he pehtlaiin Dagon Sianghleirun Siahngakchia pawl nih hitihin theihternak ca an kuat “Hramhram in uknak a la tu MAH le a minung pawl nih Thar Tun Maung timi pa cu Dagon Sianghleirun ah President rian an pek tiah theih a si.

Hramhram in uknak a la tu Ralhrang MAH sin ah a luh i Dagon Signhleirun ah President a rian a tian a si ahcun,” A tuan ni thok in a Chungkhar hna sin ah a hlan kan in thlahnak Bia rak cah ta hna sih” tiah ralrinnak ca an kuat. Ref: Thawnglatu

 

Relchih! Myanmar le Thailand ramri ah Myanmar ralkap nih cun ramri check in a vak mi Thailand ramri veng ralkap pawl Long cu midang ah an rak ruah i an kah sual hna ruangah an karlak ah buainak a chuak tiah theih a si.

Myanmar ram buainak ah Karen ralkap KNU nih Myanmar ralkap pawl cu biatak tein an doh hna i ralkap lei zong nih Vanlawng bak in khua chung tibantuk zong ah bomb an thlak hnawh hna i Karen ralzam tamtuk an um i ramri ah hmunkhuar in an um hna.

Mah cu pawl cu Thailand cozah siannak in Thailand i ummi Myanmar mi pawl nih cun bomhnak an pek tawn hna nain, Myanmar ralkap nih an rak siang hna lo i an rak donh hna, kan hnu lei zong ah bomhnak petu lawng cu an rak kah piak hna.

April 22 zan ah Thailand ramri vengtu pawl cu a thli tein Thailand ram ah luh ai tim mi an um hnga maw tiah Lawng in ramri an hel lio cuahmah ahcun Myanmar ralkap nih midang ah an ruah hna i an rak kah hna. Minung kah hliammi cu an um lo tiah theih a si. Thailand ramri vengtu pawl zong meithal an i ken ve nain, an kap ve hna lo i hmun himnak ah an kal colh. Asinain, a hnuah minute 30 tluk hrawng an karlak ah buainak a chuak.

Thailand ramri vengtu pawl hna hi Thailand Flag zong an tar ko nain an rak kah mi hi cu Myanmar ralkap lei thiam loin a lang. Hi thil ruangah hin an karlak ah i theihthiam loin buainak zong a chuak kho mi a si tiah zumh a si.