Min Aung Hlaing Tei Bak Nak Ding Ah Tuah Ding Thil 2 A Um Cucu Kan Tuah Ah Cun Kan Tei Bak Lai

Ralhrang Rallokap Thluk Cikcek Awk Ah Tuah A Herh Bikmi Thil 2

2023 kum ah NUG nih MAH Thluk kum ti asi. MAH nih 2023 kum cu PDF le NUG Thluk kum a ti ve. MAH nih aa timh bik bu 2023 thimhnak tuah khawh, Amah Tamada si, Cu hnu ah Daw Aung San Suukyi thlah, aa tel ding mi vialte he PEACE tuah, kum 5 an kan uk hnu ah a thi rih lo ahcun Kum 5 Tamada asi ṭhan lai I kum 10 an kan uk lai, a nung dam rih ahcun a thih hlan lo MAH nih Tamada a ṭuan lai I an kan uk te lai. Kawlram ah uknak an lak tikah, Kum 30 a rau zungzal.

Cucaah MAH nih a thih hlan lo Kawlram uk khawh nak ding ah a biapi bik mi cu 2023 thimhnak asi. NUG nih 2023 thimhnak si khawh lo ding in kaakip in kaa zuam lai I ka hrawk lai a ti caah, 2023 August thla hlan ah (hi hnu thla 5 ah) NUG le PDF CDF cu MAH nih Tei aa zuam ve. Russia le Tuluk sin in Vanlawng ṭhaṭha an cawk nak chan cu 2023 thimhnak hlanah NUG PDF tei hi asi.

Ke raldoh nak loin Van Raldohnak in an kan kah cu an kan ṭih tinak asi. An kan tei lo, kan tei tinak asi. Mi he I sik ah thingtan le namte aa lak mi pa cu an kan ṭih / an kan ngamh lo caah asi. Pauhceh le Autogun 4-5 te lawng aa tlaihmi PDF LDF cu Vanlawng in an kan kah, 1055 MM a kah khawh tu Tank tiang in an hman, MAH nih an kan ṭih ko ti kha mipi nih hngalh awk asi.
MAH te chung siseh, Rallokap minung le an nupi le an fa le ti in chungkhar sahlawh rualchan vialte cu Ramdang ah an thup dih cang hna. Crony hna zong ramdang ah an phaisa vialte an ṭhial I an I dawr ve. Mirum hna an I dawr caah an I dawr nak ram cu Sipuazi an ṭhancho ngai, an I rum nak ve. An I ṭhathnemh pi tuk hna. An nupi le an chungkhar ramdang ah an thup hna ti le an phaisa vialte zong an thawnh chih dih timi cu an kan tei lo, an kan ṭih tinak asi ko.

2023 kum cu Raldaih kum tiah MAH nih a ti. EAO he Remdaihnak tuah in, NUG PDF CDF kha cihmih timi a chunmang tu asi lai. Raldai karah Hriamnam le Rallokap kha Kawlram pumpuluk ah zalon tein chiah dih a duh caah asi. 2023 thimhnak tuah khawh awk ah mah tihin a tuah nak a chan cu asi. 2023 Thimhnak lawng hi MAH caah chuaknak lam a tang mi lam pakhat te asi.
2023 August thimhnak tuah khawh ding ah vanlawng, Tank, lam hla in kah mi Miapi, missile tbk lawngte MAH nih Raldohnak ah a hman lai. Thla 5 chungah tei an kan zuam lai.

Vanlawng in kan kah khawh hlah seh law, Hriamngan le bomh hmang khawh hlah seh ti kan duh ahcun, MAH te Ralhrang phaisa hmuhnak a hram chat / chah a herh. Kawlram ah Sipuazi tuah mi Ramdang Co. Ltd vialte hi kawlram in an zam awk ah kan tuah khawh hna awk asi. Geneva le UN law I tlaih duh ti hlah. Kawlram ah Singapore nih investment an tuah mi hi USD 1500 million asi. Kawlram ah Investment tambik tuah tu Tuluk, India, Russia, Japan, Singapore, S. Korea, Co. Ltd rual hi Kawlram in an zam nak hnga tlerhkhon ding an si. Kawlram in an chuah duh lo ahcun an company le thilri hrawk piak ding an si. Cutin an zam hlei lo ahcun thah ding an si ko.

Hi ramdang Company rual nih EAOs, PDF le Tlangcungmi phaisa an ka pek lo I an kan bawmh fawn lo. Ralhrang MAH te SAC dollar tawm pek tu an si. Vanlawng le hriamngan hman khawh ding in Phaisa bawmhtu an si. NUG nih Tuluk Co. Ltd le an thilri hrawk hlah uh nan ti mi hi Ral tei hlah uh tinak he aa lawh caah zuk ṭhan uh. Ramdang Co. Ltd hna kawlram in an kal lo ahcun 2023 kum ah Ralhrang kan tei hna lai lo. Tuluk, Thai gas pipeline vialte zong hrawk dih ding, Tuluk le India, Singapore Simankin vialte zong hrawk dih lawng ah 2023 ah Ralhrang kan tei lai.

MAH minung Khuabawi vialte dawi / thawlh / thianh dih ding, Non CDMers zong zangfah lo ding. Non CDMers cu donzuk si uh law, laksawng pek nan si lai timi NUG Policy hrawk uh. Zeitintiah 2023 Ralhrang kan tei khawh kha a biapi asi. Vanlawng in I khumzual nak kan ngei lo, meithal kan I za lo caah hi thil 2 hi kan tuah hrim awk asi. Cutin tuah lo ah cun 2023 ah Ral teinak lam aum lo. Vanlawng, Tank, Miapi, Missile he Lamhlat in doh khawh awk ah hriamnam kan ngeih khawh lailo.

Relchap>>>>>INDEPENDENCE HMUHNAK DING CAAH KAWL NIH MIRANG SIN AH LUKIAK IN LEIBA A NGEI
——————————————
Leiba Sachuk Pathum kong
======================
👈Kawl nih Mirang raldoh in a tei caah Zalonnak an hmuhmi asi lo. Mirang sin ah kukbil in zangfah an nawl chommi asi. Chawva tampi cham tthan dingin hnatlaknak sachuk an ngeih hnu lawngah Mirang nih Kawlram cu zalonnak a pek. Kawlram Zalonnak hmuhnakding caah a biapi tukmi natlaknak sachuk Pathum an um.

➖Aungsan–Atlee Agreement
➖Bo Let Ya–Freeman Agreement
➖Nu–Atlee Agreement
👈#Aungsan_Atlee_hnatlaknak sachuk cu 1947 January 27 ah an tuah. Mah sachuk hnatlaknak ah Kawl cozah nih British cozah sin ah Stalin Pound $140 millions liam dingin a hna tla. Cozah kut ithlennak le Ukhruainak ithlennak a dih dingmi caah asi. Milions 15 an zangfah hna caah atangmi SP $125 cu a karh umloin cawimi leiba ah an chiah.

👈#LetYa_Freeman_hnatlaknak sachuk cu Kawl defence ralbawi Bo Let Ya le British ralbawi Freeman nih an tuahmi asi. British ralkap nih an chiah ta dingmi ralkap he aa pehtlaimi Inn, Airport 3 Mingaladon, Sittwe le Myit, Navy thilri tibantuk a dihlak fonh in SPound $290 Millions cu kawlram nih British cu liam tthan dingin hnatlaknak an tuah.

👈#Nu_Atlee_hnatlaknak Sachuk cu U Nu le Atlee nih October 17, 1947 ah an tuahmi asi. Mirang British record ahcun Kawlram Independence cu mah sachuk ni ah kan pek hna tiin an tial nain Kawl cozah nih Jan 4, 1948 lawngah Zalonnak cu thanhnak (declaration) an tuah. Kawlram cozah nih British cozah kuttang ah riantuantu (vuant’han) dihlak bawmhnak a pek lai i, kum 30 chung pensen a pek hna lai ti asi. (India le Pakistan vuan t’han cu telh ansi lo). Phaisa in tuak ahcun Kum 30 pensen caah SP$ 450 Millions cu Kawlram nih a liam lai tiin hnatlaknak an tuah.
✍Kawlram cu Independance a hmuh ni bak in a lukiak in leiba a ngei colh. Kum 20 chungah adihlak in cham ding tiin sachuk cu tuah asi. A Leiba cazin:–

➖#Aungsa_Atlee ….SP $125 Millions
➖#LetYa_Freeman .SP $290 Millions
➖#Nu_Atlee………….SP $450 Millions
—————————————————————-
#TOTAL Leiba ………..SP $865 Millions
✍U Nu Pasapala Cozah thar cu leiba tom he lung rethei in an um ko. 1949 ah Cozah cu a sifah tuk caah Vuan t’han thlahlawh zong 30% tiang an t’humh hna. Leiba lukiak in an ngeih bu ah UNu Pidawtha Project anti i $615 millions cu mi sin ah an cuai chap rih. Ram tu cu a t’hangcho kho loin Leiba tu aa chap chin lengmang.

U Nu Chan ahcun Kawlram cu South East Asia ahcun a rum cem a t’hangcho cemmi kan si tiah an chim tawn mikhi Lih asi. Ne Win nih a kan sifahter tiah an chim tawn. U Nu cozah chan ahcun kan rum cem timi hi lih hrokhrawl asi. Mah lio rumnak kha cu Mirang nehnang a tangmi khi asi deuh. T’hancho cu chim hlah U Nu chan ah Leiba tu lukiak in aa chap. A chung ah an rak sifak tuk.
✍Nue Win Socialist Cozah zong Zalonnak leiba le U Nu cozah cawimi leiba tom he aa zi ko. Leiba cham khawh lo vekvek tiin LDC a niam cemmi ram si kha an i zuam.( Sifak cem ram sinak). Sifak tukmi ram cu leiba an cawh hna lo. Ne Win nih Kawlrampi hi a si faak ter ticu a hman thlu lemlo. A rak sifaak tuk ciami ram asi.

✍Ne Win chan hnu ah Ralkap, USDP le NLD cu cozah an hung si. Asinain mizei cozah hmanh nih leiba cham siloin leiba lukiak in aa chap chin lengmang. Aho cozah hmanh an i mawhchiat awk asi lo. A nih ruangah e tizong i ti awk an si lo. Ahopoah cozah an tuan chungah Leiba cham lei siloin leiba tu a karh deuhdeuh.
✍ Tuanbia (history) thei huaha lem loin biachim i ralring hna usih. A hlan ahcun Kawlram cu kan rak rum tuk SE Asia ah a rum cem kan rak si timihi lih bak asi. Zei Kawl cozah hmanh an rak rum bal lo…LEIBA ngeih lawngah an rak rum…

✍Taiyintha (Tlangcung miphun) he cozah t’uan le khuakhang t’i an duh lo chung cu kan sifaak peng ko lai. Ralkap ruangah e.. USDP ruangah e tiah silhnalh awk a um lo. Tlangcung miphun he daihak remnak le Federal aum hlan poh cu Mizei cozah zong chuak hnasehlaw zei ansi hlei lai lo. Kawlram t’hanchonak cu Taiyintha kut chungah a ummi asi. Taiyintha an buai peng ahcun khuazei t’hanchonak hmanh a um kho ding asi lo.
.Lungfim kan cu cang..
.Miphun t’anh cang asi cang.Crd.. Joseph R. Thang

Be the first to comment

Leave a Reply

Your email address will not be published.


*