Min Aung Hlaing Ralhrang Tunai Lawnglawng Ah Minung 50 An Hriam Tling He An Zaam Nolh

Thawai(ထားဝယ္)Khah-Lah-Yiah 25 in ralhrang minung 25 an hriam tling he an zaam; Thawai(ထားဝယ္) battalion pakhat si mi Khah-Lah-Yiah 25 in an hriam tling he ralhrang minung 25 cu an tli tiah Dakkhina Insight thawngzamhnak nih a langhter.

Nihin zinglei ah khan an zaam cu a si i, minung 25 an tli ti lawng theih a si,a tli mi hna hi mi zei dah an si le zei reng dah an si cu fiang in theih khawh an si rih lo tiah Dakkhina Insight nihcun thawngzamhnak nih cun a langhter.

Nihin zinglei thok in ralhrang phu lei minung tampi nih Thawai (ထားဝယ္) khuachung lut chuak mi hna cu thatuk in checkhlat nak an tuah hna.TCP (Nai te ah Magwa ralkap ming 10 an zaam cang, nai te thiamthiam ah ra;hrang sehzung riantuanmi minung 15 an zaam fan cang. A tu ah Thaiwai ah ralhrang minung 25 cu hriamnam he an zam than i nai te tataktak ah ralkap  minung 50 an zaam tinak a si .)

Relchap: Afghanistan ram ah thawng a than hlan deuh ah Taliban hna nih an lak lio ah a ram in a thup mi Lutlai Ashraf Ghani cu UAE a phanh nak kong nithum ni ah khan UAE tuanvo ngei hna nih an chim.

Minung khat le khat i dawtnak zawnruahnak he Ashraf Ghani Lutlai chungkhar hna cu kan don hna tiah UAE ramlei lei pehtlainak vuanci zung nih an langhter.

Nithum ni ah UAE nih thawng an thanh hlan ah cun Ashraf Ghani Lutlai cu Oman, Tajikistan, Uzbekistan ram hna pakhat khat ah a phan lai tiah ruah damh a si.

Kabul khuapi cu khamtu um lo in a latu Taliban pawl an rak phak hlan zarhpi ni ah an President pa cu a ram chung in a chuak. (Act. Ashraf Ghani)

Ram dang ah zam ding hi ka timh mi a si lo thichuahnak um ding ka duh lo caah ka hrial nak hi a si tiah ram chung in a chuah hnu a voikhatnak ah nithum ni ah khan Facebook cahmai ah a chim nak hi a si.

Ram chung in a chuah ah hin taangka tampi a chuah pi ti mi thawngpang hi a dik lo mi a si ti zong a chim.Ka chim mi a dik le dik lo cu taangka tlaitu riansang tlai mi hna sin ah hlat khawh a si tiah a chim.

Taliban hna nih rangtuk in an lak khawh mi cung ah a khuaruah a har nak kong American Lutlai Joe Biden zong nih tuzarh chung ah a chim ko nain ralkap a lak hna nak kong cu a dik ko tiah a tuah mi thil kilven in bia a chim rih.#VOAnews