Min Aung Hlaing Nih Misual Pawl A Chuahmi Hna Cu Mithah Dingin A Vak Cang Hna!

A Poi tuk ti pin cun chim ding a har cang ko. Min Aung hlaing nih nihin ah thongtla minung tam taktak a chuah hna. Cu chungah cun misual, lainawng le mithat case in thongtla hna zong an i tel tiah theih a si.

A tu hmanthlak ka langhtermi hi mi hi nihin thogninn in a chuakmi a si. Yangon, Bahan Myone ah Namte he mipi nih an tlaih manh mi a si. Tuzan nizan suimilam 10:30 hrawngah khan Namte saupi aa ken i a vak. Cu caah Mipi lei nih an tlaih manh hi a si.

A mah nih a chim ning ahcun, “Umnak inn ka ngei lo caah ka vak tiah mipi a hlen chih hna, a sinain Namte saupi he a vah caah ralkap nih mithah dingin an fialmi a si ko tiah mipi nih cun an zumh dih. Atu dirhmun hi mah ti a si caah ralrin chin lengmang a herh cang..

Ralrin awk taktak a simi: Min Aung Hlaing nih thongtla musual tampi chuah a timh hna, Sandah piahtu le mipi karlak ah buainak ser ding le mithah lainawnnak chuahpi dingin aa timh timi thawngpang hi Feb 4 ah khan Social media ah a lar ngai cang. Ralrap minung sin in biathli kan theih mi a si tiah an rak chim. A sinain cozah sin ah register a tuahmi news pawl nih an rak tarlangh lo caah mipi tampi nih an zum lo. A sinain nihin ah thongtla tamtuk an chuah tikah biathli an rak phuanmi kha a dik dawh a si cang.

Thongtla tampi chuah an sinak a ruang an purhdah mi: Min AUng Hlaing nih thongtla misual lawngte chuah cu ka thimtuahmi mipi nih an theih colh lai ti a phan caah mitha tampi, ramkhel lei upa cheukhat zong a chuah chih hna ti hi mpi zumh ning a si. Aa timh bik mi cu thongtla misual pawl kha phaisa pek hna in mipi karlak ah buainak chuahter, Mithah lawinawnnak chuahter, Sandah a piahtu mipi pawl thisen lunglak in tuah hna, cu hnu ah rampi a him lo tiah vawlei pi le UN hmai ah a sual thiannak lam a kawl a timh timi hi an zumh cio cang.

Cun Pahnihnak ah Mipi nih thongtla chuah an sinak a ruang an zumh mi cu: thonginn tampi lawn ter, cun tutan ah a cawlcangmi NLD upa, Ralkap nawlngeihnak a dotu ramkhel upa, sandah piahnak hruaitu upa pawl. ralkap uknak duh lo ruangah Cozah rian aa phuak mi pawl vialte hna hi tlaih i thongthlak dih a duh hna, cu caah thongtla tampi nizan ah a chuah hna hi a si tiah an zumh pah cang.

Cu he aa pehtlai ngaimi; Min Aung Hlaing cozahthar sermi nih kawlram dihlak internet phih dih an duh cang. Cu caah China IT Expert a sawm hna ti a si hoi. Cu ralkap lila nih internet upadi an tuah colh ve. Cu a tlamtlin bak ahcun vawlei pi nih kawlram thongpang an theih lo karlak ah Internet muinak in kawlram a um karlak ah tongtla hmangin sandah piahtu mipi thah naw, Buainak ser ralkap a duh tu ramkhel upa le sandah piaknak hruaitu upa vialte thongthlak, tlaih dih hi a timh theu lai tiah ruah damh cio a si. Crd: VOM