Min Aung Hlaing Nih Hriam Thatha Le Tank le Vanlawng In Phomh A Kan Timh Cang, Khi Vialte A Ralkap Thilri Thatha Khi Chinram Hriamtlai Caah A Cang Dih Lai

Vaurawng zunthil nih an i timh mi le an tawlrel mi Vanlawng kahnak pi cu tlamtling tein kan chinram hriamtlai CNA camp pi ah phak dawh a si cang. An mah vaurawng page ah “A Phaan cang” tiah an van langhter. Lunglawmhawk taktak a si micu mah an tawl rel mihi pakhat lawng a si lo, a tampi lai dah!

A ruang cu khua pahnih nih 1 veve an i thawh i anmah vaurawng phu hna nih a za pah cang an ti i, thildang cawknak tu an tawlrel, mah vanlawng kahnak tlamtling tein a phak cang a si ahcun ttih tuk ding a si tilo. An van lawng man fak ngai an cawk mi cu fawi tein an thlak piak hna lai.

Cu chinchap ah Chinram cu tlang a sang tuk chincap i fingle tlang lawngte an si fawn caah an duh ning in ralhrang hi an cawl kho hrimhrim lai lo tihi zumh cio mi le thilthei mi hna nih an chim mi a si. Bawipa tu nih kan ram le kan miphun kilveng sehlaw kan hriamtlai dihlak umpi ko hna seh. A re a thei mi zaan fatin in a au mi Vaurawng zunthil kanpa le zong Pathian nih umpi hram hna sehlaw an riantuannak hi nak cak chin in Bawipa nih hruai ko hna seh.Pahmung mh

Relchap: Chinram ah ralkap tampi an phan an ti ahcun nan thinphang hlah uh, i lawm u law thla fakpi in cam  ko uh. ralkap tam deuh an phak a si ahcun an hriam tamdeuh kan lak lai tinak a si ko. hriam thatha an van i phurh mi vialte khi kanmah chinram hriamtlai hna caah a cang dih ding an si.

An motor le an meithal le an thilri thatha khi an kirpi ti lai lo, chinram ah an kan van chanh bantuk a si. cawk hau loin an thilri thatha khi kanmah chinram nih kan i lak dih te ding an si. A ruang cu mifir le mihrok hrol pawl thilri vialte cu miding hna caah an i khon sawhsawh mi a si, phundang chim ahcun an hlan chung tukhi a si.

Mifir le mihrok hrol nih teinak le hlawhtlinnak an hmu bello, Bible chan in siseh nihin nitiang lih le hrokhrol a tlaih mi hna nih teinak le hlawh tlin nak an hmun bel lo. cu caah cun kan tei hrimhrim hna lai i, cu lawng si loin an thilri vialte khi cawk hau loin kanmah nih kan tinco dih te lai. an duh ning in chinram chungah hlawhtlinnak an hmu kho naisai lai lo cucu zumtu nih kan zumh mi a si.

Be the first to comment

Leave a Reply

Your email address will not be published.


*