Min Aung Hlaing Nih Chinram Ah Aa Timh Mi Cu Mipi Ca Le Kan Chin Ralkap Caah A Poi Ngai

Min Aung Hlaing Nih Chinram Ah Aa Timh Mi Cu Mipi Ca Le Kan Chin Ralkap Caah A Poi Ngai

Inn kang seh, an mino nunnak tampi liam seh, an celh lo tiang in temtuar hna sehlaw an miphun ralkap hna kha mawhchiat hna seh, an lungdong sehlaw kan uknak tang ah dai tein khuasa hna seh timi khi MAH ralkap an saduhthah cu a si.

Cuve bantuk in, ‘kahdohnak um peng seh, inn zong ciam pah ve ko seh, mino nunnak zong a zatawk liam ve ko seh, cuti temtuarnak a tam ah mizapi an lung a fak lai, miphun tanhnak nationalism a thawng chin lai i MAH ralkap huatnak karh chin seh.

Cutikah mipi nih an kan bochan deuh lai i power nawlngeihnak he rumnak chawva he kanmah nih kan control hna lai timi hi US le EU ah sofa cung in kan tei dengmang cang, zubui mei can lawng ai duh’ tiah a rak au tawnmi fimzer uktu pawl an lungthlitum cu asi ve.

KNU le KIA nih kum 50 leng an doh i an ram 1% hmanh an control kho lo, kanmah nih va tei ding cu a si kho lo timi cu fimzer rual lila nih an lungthli in an thei tuk ko dakaw. A thluak 100% a tling lomi or thluak tawl/brainwash a tongmi lawng nih kan tei lai tiah an zumh khi a si.

Tulio kan sining cu Solomon hmai nu pahnih ngakchia an i cuh kha a lo pah. Kaphnih in an thazaang um ek in an i cuh peng rih ahcun kan Chinram cu a kutke a kiak dih te lai i a nunnak thaw zong a dih te khomi a si.Crd.. Salai Lung Thli Tum