September 15 zing NayPyiTaw Pyima Nar ah tuahmi Ralhrang meeting ah ralhrang Lutlai Min Aung Hlaing nih a nau le pawl cu chawlehthal tuah lo ding in nawl a pek hna tiah theih a si. Ralhrang lutlai Min Aung Hlaing nihcun ” A hlei in Covid lio ahhin ralbawi pawl hna nih mah miaknak lawng ruat in zei bantuk chawlehthalnak hmanh nan tuah lai lo.
A pension cang mi Than Shwe – Thein Sein le Thura Shwe Maan hna khi nan i zoh chun hna lai i ralkap nihcun ralkap timi i a limhang kha nan zor ter hrim lai lo Rampi nih pekmi thlahlawh cung ah nan i lungsak lai i chawleh thal nan tuah hrim lai lo ”tiah a ti tiah ralhrang ngeihmi Thawngzamhnak BSI nih a langhter.TCP
Relchap:UG cozah nih june thla thok in August thla dih tiangah myanmar ramchung kahdohnak voi 1171 a chuak cang i ralhrang a thimi hi minung 1710 le mipi lei a thimi hi minung 431 an um cang tiah an tar.
mah kahdohnak ah hin hriamngan in voi 227 an kah hna bomb in 280 an kah hna . thlathum chung i Sagaing ramthen chung Kachin ralkulh cheukhat kahnak ah ralhrang nih hriamngan le bomb a tambik an hman tiah Yangon NUG nih an tar.
Voi 1171 kah dohnak ah ralhrang a thi mi hi minung 1710 an si cang i hliam a tuar mi hna hi 632 an si. Mipi lei a thimi hna hi minung 431 an tling cang i, hliamtuar 184 an um, mah kahdohnak hi a linsa chin lengmang i bomb deuh an hman tiah an tar chih.
Septembar 15 kan phan cang i NUG cozah nih september 7 in ramchung ralthawh ding an thanh bangin a hmasa thathum nak in september chungah a zual deuh i kahdohnak a chuak a tam deuh. Yangon le Mandalay ko ah khuapi chung bomb puah le thi an tam.
Leave a Reply