PDF le ralhrang kahnak fak chin lengmang in kahdohnak a chuah hnu ah SAC ralhrang pawl an nupi tlaitlong pohpoh cu ral an tuk ve lai tiah an cunglei ralhrang bawi nih nawl an chuah tiah CDM atuah tu ralkap hna nih an dirh mi Peoples soldiers nih phung ning tein thawngthanhnak an tuah.
Mah kong he pehtlai in People;s soldiers nih cathanh an chuah mi ah SAC ralhrang pawl hi an thazaang a tla tuk cang caah hi nawl hi an chuahnak a si tiah an chim chih. Ralhrang nupi le pohpoh tlaitlong pawl cu meithal i tlaih in raltuk dingah an cung lei nawl an chuah mi cu ralkap phungbuar a si tiah an chim chih.
Mah kongah hin ralkap nupi le pawl cu ralrtuk lo dingin an forh hna, asinain cunglei nawl chuak mi a si fawn. phung ning te ahcun hi an tuah mi hi phungbuar a si.ralkap chungkhar pawl ramthen ah inn hlang in a um mi hna cu a ra khawh chungin min lak i cunglei ah thawngthanh dingin nawl an chuah rih.
Relchap:Kan Sakhan Pawngah Khuaruahhar Ceunak Blue Colour he A Thang Taktakmi Puah Thawng An Theihmi Kong He Pehtlai In PDF Pakhat Nih Hiti Hin Chimfiannak A Tuah! PDF cheukhat hna cu hmun pakhat khat ah kahdohnak ruangah an nunnak a liam cang caah PDF mino hna cungah mipi lei zong nih fakpi in ngaihchiatnak leh lungfahnak an tuar.
Hmunzakip ah a kalmi leh a phanmi PDF hna cu atu caan ahcun ralthatnak leh timhcia tein umnak caan a si i, zeitik ah zeibantuk thil kan tong lai timi theih khawh lo ruangah zan caan zongah venhimnak an laak i, zeizong vialte kaltak in mipi nunnak a runvengtu ralkap hna zong nih harsatnak phunkip an tong ve.
Cupinah PDF mino hna chungin fimthiamnak leiah a cung cuanngmi tampi an um hna ruangah thil thar leh hriamnam thar hna zong an hun serchuah khawh. Atu ah PDF ralkap pakhat cu nizan zan caan ah khuaruahhar ceunak he a thang taktakmi puah thawng a theihnak kong cu a hun tial.
Nizan zaan caan ah ca a rel cuahmah lio ah khuaruahhar ceunak blue pi cu a hnuh hmasa i, cu hnu tlawmpal minunte 3 ahcun a thang taktakmi meithal asiloah bomb puah thawng cu a theih. Tu zing bakah an theih than mi cu zan ah a thang taktakmi puah thawng a theih bakin မယ်ခါးထာစကစ sakhan pakhat in meithal hme mi puah thawng cu theih a si.
PDF ralkap nih nizan zan ah a thang taktakmi a theihmi cu GZ pawl nih an serchuahmi Drone an test nak leh technology thiamnak hmangin lamhlat piin control nak tuah in raldoh khawhnak cu hneksaknak an tuah a si lai tiah a tuah. Hi bantuk dirhmun phan kho dingin a liamcia thla 5 lio in PDF ralkap dihlak nih timhlamhnak tha tein an ngeihmi ah fakpi in an rak i zuamnak kong cu a kan theihter ve tiin One Daily Media nih a tial.
Leave a Reply