Min Aung Hlaing Khuaruah Mi Cu Ttihnung Taktak A Si, Mithah Le Mihrem Cu Lehrulhnak Sawhsawh Ah A Ruah

Kawlram he aa naih bik Cambodian in Pol Pot nih a rammi nuai hnih dengmang a rak thah hna. A ram milu cheu li ah cheukhat a thah hna.
– Hitler nih minung nuai 19 tluk (Jews miphun) telh in mi a rak thah ve hna.

– A nuainuai in a ram miphun a thatmi uktu an tlawm lo. Mao Zedong, Joseph Stalin, Lenin tbk… An tam tuk rih.
– Vawlei uktu mitha lo hna zoh hna tik ah mithat, lainawng le ralhrang hnawh (murder, terrorist, dictate, genocide .. ) tbk .. pawl tuah hi anmah himnak le nunnak ca ahcun an tuah ngam taktak ko. Mi that zei ah an rel lo.

Min Aung Hlaing khuaruah:
“A ka duh lo mi, thi seh ti a ka duh mi le a ka doh mi thah hna le an nunnak lak cu aa tlukruan mi lehrulhnak le tuahsernak a si ko. A ka doh miphun thah (genocide) tuah zong aa dik mi le aa tlukruan mi lehrulnak a si. Thisen man cu thisen in kan i cawh lai, kan i liamh hna lai.”

Uktu tha lo hna nih a donghnak mawraw i, ka thih ah him ve hna hlah seh timi lungput. Ka thih vevek ah a ka dohtu ka si khawh chung in an nunnak ka lak ve lai timi lungput le kalpinak a ngei cang (rua tiah ka ruah).. Crd.. Mang Hre Lian

Relchap>>>>WaingMaw peng SAC ralhrang le Lisu pyituhsit phu hna cu KIA nih an kah hna caah uico pawl a tlawmbik minung 10 leng an thi i Minmoe peng chungah SAC ralhrang ral lam ser an khah hna caah a tlawmbik minung 7 an thi tiah theih a si.

Kachin ramkulh Minmaw peng Woyince khuate i hngakbuk a tuah mi hna SAc ralhrang le Lisu Pithuhsit phu hna cu Jly 28 zingka ah KIA nih an kah hna caah SAc lei in minung 10 leng an thi tiah theih a si.Cun tampi nih hliamhma an tuar caah an hriamnam zong an zaam tak dih i kan lak piak khawh hna tiah KIA nih thanh fawn.

Wuyan khua ah hin Lisu pituhsit phu le SAC ralhrang Tat-mah 88 kuttang i fonh in hngakbuk an khuar. Nizan ah KIa tat-maha 5 battalion 3 nih an va luhhnawh hna i suimilam 2 tluk an kah hna tiah an langhter.

Cube bantuk in Sagaing ramthen Minmoe peng chungah SAC ralhrang rallam sial pawl cu mipi ralkap phu nih lampi in an kah ve hna caah ralhrang uico 7 an thi i a tlawmbik minung 18 nih hliamhma an tuar tiah Minchan pengkomh battalion 7 Zero Huarilla phu nih an thanh ve.

Mah SAC ralhrang rallam sial pawl cu Minchan Zero Guarilla phu le Zero Power hna nih an kah mi hna a si. Ref-Khitthit

Be the first to comment

Leave a Reply

Your email address will not be published.


*