Min Aung Hlaing Cozoh Hi Kan Tei Hrimhrim Lai, Kan Lung Dong Bak Hlah Seh

CDM ah ai telmi cozah riantuantu hna hi miphun luatnak caah nunnak tiang pek a ngamhmi CNA ralkap bantuk nan si, kan miphun caah nan pawcawmnak rian nan thap. Uar nan um ee. Nan tefa hna sin ah uangthlar ngai in miphun ca na pekchanhnak tuanbia chim awk na ngei tinak a si.

Kan duh bang si thiam sehlaw a cheuchum lawng si loin nan dihlak i tel kho ulaw MAH cozah cu thisen luanter loin kan thluk colh ko hnga.

Nain, mipi million tampi lam zawh, ramdang cozah, UN le CDM vialte kan thazaang thawng chin lengmang ko caah caan tlawmpal ah cun kan tei ko lai, kan lung dong bak hlah seh. Credit: Salai Lungthli Tum

Relchih Ding 1 : Ralkap ta a simi Myawaddy Bank cu an car ko cang, mipi nih an zum ti lo caah phaisa chuahtu an tamtuk i phaisa pek awk an ngei ti lo. Tuthla dih tiang an khar beh cang, an nung than kho ti hnga maw dik.

Tulio hi ralkap uknak lak ruang ah Myanmar phaisa kyat man a zor, phaisa a ngeimi tampi cu fawi tein a man a zor lomi US dollar le sui an cawk i him deuh in an chawva an khon.

Relchih Ding 2 : 2020 thimnak ah teinak a hmumi Pyidaungsu Hluttaw palai hna nih an sermi committee phu CRPH nih Dr Sasa cu UN zung ah an committee aiawhtu palai tuan ding an thim cang. NLD nih cozah an ser than khawh ahcun Dr Sasa hi UN ah Myanmar aiawhtu palai si te dawh a si.