Min Aung Hlaing Cozah Caah Thawngpang Tha A Um Ti Lo! Thawngpang Thar Deuhdeuh Tling Tein!

MYANMAR UN ENVOY NIH RALKAP COZAH A PHOMH. CRPH CHAIRMAN AN TLAIH. MIN KO NIANG A ZAM MANH?ELECTION THAR: February 26,2021 ah Myanmar ram kongah Vawleicungpi an khuaruah a har ko.New York khua i UN Special Assembly an tuahnak ah Kawlram Ralkap Cozah Palai U.Kyaw Mo Thun nih Ralkap Cozah cu dohin, Kawlram CDM le Democracy Cozah a tanhnak a au chuahpi i, Myanmar Mipi dihlakin Democracy Mipi Cozah a chuak khawhnak lai thazang chuah dingin a forhfial hna. Amah hi Yangon, Insein chuak asi i, Geneva Myanmar Envoy in UN Hqr.New York ah an thialmi asi. Bia a chim dihin New York i Myanmar pawl Duhlo Lamzawhnak ah a tel beh i, US Cozahpi sinah Asylum a hal cawlh ti’ah theih asi.

Ni 25/2/2021 Zinglei Suimilam 2:00 hrawngah khan, Myanmar Spacial Forces( Palik SB2 le Ralkap MI)nih Nyphidaw NLD Chairman le tulio CRPH Chairman U.Min Thu cu an tlaih ti’ah CRPH Information Secretary U.Kyi Toe nih a FB ah a tial. An tlaih nak hi khuaruah har ngai asi. Min chim duhlo Palik Officer nih a chim ningah, Pyinmana Yeesin lei Sianghleirun Caachim Inn Pakhat ah an tlaih i, Car Barrack ( Mawtawka Chiahnak Inn te chungin Mi- 3 riak cu an zam manh i, cu hna lakah Ko.

Min Ko Hniang zong a tel chih an zumh a ti. A chim ning ah cun, hi Inn ah hin Min Ko Hniang le a hawi kom pawl an um ti’ah a thlithup in report an theih i, tlaih an timh tikah U. Min Thu tu an tlaih ti’ah a chim. Cun Inn neitu Ex- Professor zong an tlaih chih i, Nyphidaw Thonginn ah an chiah hna ti’ah a chim.

26/2/2021 ah khan Nyphidaw,UEC Hall ah Myanmar Election tuahthannak kong meeting cu UEC thar Chairman U. Thein Shoe hruainak in an nei hna i, Myanmar ram chung Political Parties 53 an i tel i, adang 38 cu an i tel loh. USDP President U.Than Htee nih cun, meeting i a tel lomi Party dih lak hrawh dih dingin nawl nak a tuah na’in, UEC nih Vawihnih tiang kan hngak rih lai ti’ah an ti.

Cun,Federal Union Party ChairmanSaw Than Myint nih Myanmar thim nak Election cu 2021 kum chungah tuah dingin forhfialnak a tuah na’in, 2022 Kum thawk ka hrawnghrang ah tuah khawh dawh dingin UEC lei nih an chim ti’ah OMSK( Russia) nih a chim. Hi OMSK ( TV BRICS) nih hin MinAungHliang 2019 Russia a tlawn lio ah Interview an rak nei cang i, Myanmar President si a duhnak kong zong a rak chim cang.

Kan Chin State i kan Cozah hruaitu Pu Lian Luai, Pu Zo Bawi, Pu Soe Htet, Pu Phui Aa le Midang an chuah tha’n mi cungah Chinmi dih lak nih lunglawmhnak he an kut kan tlaih hna. Amahbelte, Tha Hakha Times, Chief Editor Pu. Pa Pui Palik nih an tlaih ti thawng kan theih i, kan ngaihchiatpi nak kan langhter. Min Aung Hliang zong a zungah Doctors le Nurses nih Vitamins ABC thlaih bu’in an thlop bul ti’ah theih asi ko khah.. Ralrin bute’in hmai nawr ko hna usih.Credit: MC Biklian