Min Aung Hlaing Caah Thangpang Chia Taktak: Nicholas Aa Sum Kho Ti Lo!

Min Aung Hlaing sual tuk ruangah kawlram chungah a thimi an tam tuk cang, Ralkap nih meithal hmangin mipi tampi an thah cang hna, Asinain mipi lungthin ah ram dawt ruangah ralkap tihnak an ngei ti lo.

Nifatin lamzawhtu an tam chin lengmang Tuni ah mah ram Ambassador pawl nih Myanmar ralkap cozah duhlonak kong an langter i, cu ram hna cu: Denmark, Czech Republic, Findland, France, Germany, Italy, Netherland, Spain, Sweden, UK le USA hna an si.

An bia chim mi cu, kawlram cu thiltha lo, muinak nih a khuh (cover of darkness) lio a si, mipi nih an thim mi cozah nih thatein rian a tuan khawhnak ding caah lam kawl cang hna seh tiin ralkap duh lonak bia an chim.

Japan Foreign Minister Toshimitsu Motegi nih a chim mi cu, Myanmar he ralkap lei ah pehtlaihnak kan ngei mi vialte cu dawngter dih a si cang lai tiin a chim. Cun, Myanmar Armed Force Day, March 29 ah Japan ram in kuzale an ra lai lo. Myanmar cozah thil tuah ning kan cohlan lo caah tiin a chim chap.

Tom Andrews, UN Special Rapporteur to Mynamar nih a chim mi cu, “Mah bantuk in Human rights zeirel lonak hi a rannak in dawngter ding a si tiin a chim. Ralkap sin ah tangka le hriamnam zuar hmangin bawmh lo ding” tiin a chim chap.

Al Jazeera News le BBC News nih an chim ning ahcun, “Myanmar in Mizorama chungah a zam mi (refugee) cu mi 1,000 leng an si cang”, an ti. UN, Independent Investigative Mechanisn for Myanmar hruaitu Nicholas Koumjian nih a chim ning ahcun, Myanmar mipi hna cu, ralkap sual tuk ruangah (crime) an tuah mi (use force, lethal force) tehte tha an ngei mi vialte cu chim lengmang ding in a bia a cah hna.

Mah bantuk in tehte tha an ngei mi vialte hmang in ralkap (Tatmawdaw) hna cu International Criminal Court (ICC) dantat khawh an si lai i, mah bantuk in tehte ngei tu min le sining cu langter lo in thup piak an si lai tiin a chim chih.

Nicholas Koumjian hi Cambodia ram ah Civil War lioah Pol Pot ah hruaitu “Khmer Rouge” thiltuah mi le mipi a thah ning le a thah mi vialte dothlatnak a rak tuah tu kha a si. Credit-CT/ The Chin News