Min Aung Hlaing A Thinphang Cang , Ralhrang Hmun pi A Si Mi Naypyidaw Cu Khuaruahhar In A Tuah Cang

Thawngpangttha Taktak: Min Aung Hliang A Thinphang Tuk Ruangah Naypyidaw Ah Mahtihin Thil An Tuah

Kawl ralhrang nih Naypyidaw khuachung ah curfew pohmah 144 in sikaan a chap than caah Khuapi chung hmunkip vialte ah lamkhamnak le CCTV a chiah hna i biatak tein kelven nak a tuah tiah theih a si. Mahti a tuahnak a ruang cu.

Ralhrang luzik Min Aung Hliang a umnak cu inn pakhat te ah a si timi thawngpang an theih bak in Kawlrang bawi pawl le an kuttang deuh bawi pawl umnak Ohtharahthirih peng, Razatinhah lam pawl le Razatinhah inn pawl han cu riahkhiah mi hmun ho hmanh kal lo ding hmun tiah cataar pawl an benh hna. Cun

Inn pawl pawng i mawtaw lam pawl ah thir hri in khaan mi lam khamnak pawl an chiah hna. Lam kil poh ah checknak inn pawl an sak hna. Hriamnam tling he Palik pawl zong nih an congh. Khuapi chung ah ai chawkvaakmi Kawl ralkap mawtaw pawl zong a thar in tuzing ah hmuh an si tiah an chim.

Naypyidaw um pakhat nih “Nawl an chuahmi na pehzulhmi a si ko, Sandah piah kan kham e an timi tu hi a thar an chapmi ah aa tel” tiah amah pumpak himnak caah a min langhter lomi pakhat nih a chim. Naipyidaw vengtu dingah ralhrang nih Palik pawl a hman hna i, minung ai za ti lo. hmundang ah palik le ralkap thazaang a chap caah thazaang ai nguh daih ti lo tiah Naypyidaw ummi Palik nupi pakhat nih a chim fawn. Naypyidaw ah biatak tein checknak an tuah cang timi cu thilkuat phurtu mawtaw mawngtu pakhat nih

Ahlan ahcun Licence lawng an chek. atu ahcun Mawtaw zong an kulh dih i hnu hmai an chek, Saikel zong toolbox zong an hunter hna i an zoh. Hriamnam an i ken hnga maw ti mi an kawl le si lai tiah” thil a cangmi kong ah a dikmi thawngpang a sinak kong a chim ve. : Crd: Myanmar Now

Relchap>>>>>>Ramri Um SAC Ralkap Sakhan Hna Cu An Chuah Tak Cang Tiah AA Nih Cathanh An Chuah

SAC nih nawlngeihnak an lak hnuin AA he kahdohnak atu le atu a chuak i SAC ralkap sakhan tam ngai zong kan lak khawh pinah sakhan cheukhat zong lak dingin kan i timtuah, tiah AA nih nizan September 18 ah cathanh an chuah.

Rakhine ramkulh-Bangladesh ramri mengtung No.40 pawngah a ummi SAC ralkap sakhan cu thlakhat chung kan helhum hnuah August 31 ah kan lak khawh. September 10 lio zongah Khah Mah Yah 352 Battalion sakhan zong kan lak khawh, tiah an langhter.

Cu pinah SAC ralkap Thandaung sakhan zong thlathum chung kan helhum hnuah AA nih kan lak khawh. SAC ralkap ramri an sakhan pawl cu an chuah tak cang, tiah AA nih cathanh an chuah.

SAC ralkap an sakhan cheukhat zong AA nih phihkhamnak an tuah hna i, cu chungah India-Bangladesh-Myanmar ramri pawng ummi Meik sakhan zong aa tel, tiah theih a si. Rakhine ram chung le Paletwa hmunram ah umhmun khuarmi SAC ralkap pawl cu, kan kulh cang hna. Cu kan kulhmi hna riahcaw chanhnak le a dangdang thilri chanhnak ding caah SAC ralkap nih an i zuam cuahmah. Vanlawng, le hriamngan in ni fatin an kan kah, tiah AA nih an langhter.

Nizan September 18 ah SAC ralkap Jet Fighter 3 in bomb le roket voi 11 an thlak. Pehtlaiin suimilam cheu chung an kah hnuah Helicopter 2 nih suimilam 1 chung hrawng an kan kah, tiah AA nih an langhter.

SAC ralkap nih Miwa(မီးဝ) sakhan in hriamngan in kah an bawmh hna caah cuka hmun cu AA nih hriamngan in kan kah ve hna. SAC ralkap nih hriamngan, vanlawng le ke in voi 7 an kan kah cang, tiah AA nih an thanh.

Be the first to comment

Leave a Reply

Your email address will not be published.


*