Mike Tyson Le Roy Jones Jr An I Thongh Ding Nithla Fiang Tein Thawngthanh A Si Cang

Vawlei cung Boxing thongh tuanbia ah cun philh awk tha loin a minthang mi le world heavyweight champion a rak si cang mi Mike Tyson cu tukum September 12, 2020 ah hin Roy Jones Jr he an i thong lai I hi Boxing thongh nak cu round 8 tiang a si lai tiah thawngzamh nih an langhter cang.

Mike Tyson le Roy Jones Jr an I tongh nak ding hmun hi USA ram chung California City ah a um mi Dignity Health Sports Park ah a si lai tiah zong fiang tein an rak langhter. Hi bantuk in vawlei cung Boxing thongh nak tuanbia ah minthang bik a si mi Iron Tyson cu ring chung ah hmuh than a si cang lai caah vawlei cung mipi pawl cu umthiam loin a ni thla lawng an hngak ko cang hna.

Mike Tyson hi kum 54 a si cang ko nain training a tuah nak video pawl hi afans pawl hmuh khawh ding in a rak thlah lengmang I a cawlcangh ning hi khuaruah har a si rih. A no lio bantuk in cun a cawlcangh ning hi tha ti hlah hmanh sehlaw Mike Tyson hi ti awk tha lo bak a si rih.

Mike Tyson hi 2005 kum ah khan a dongh nak bik Boxing Ring chung ah a rak luh kha a si I cu lio ah cun Kevin McBride he an rak I thong, asinain Mike Tyson nih round 6nak ah a rak tei I cu hnu cun Mike Tyson cu Ring chungah hmuh ding um ti loin kum 15 chung a dinh hnu ah a ralai mi 12 September, 2020 ah Roy Jones Jr he an I thong than lai.

Source: CNN

 168 total views,  1 views today

This function has been disabled for Chin 11 News.