Mifir 3 Nih KBZ Bank An Luhhnawh I Phaisa Ting 1000 An Lak

Shanram chak lei Ciome khuapi KBZ bank cu nizaan chun sumilam 2:00 hrawngah misual tiah ruahmi minung pathum nih an luh hnawh i phaisa fang in ting 1000 an lak tiah theih a si.

Ciome khuapi mifir pawl KBZ Bank an luh hnu in Min Aung Hlaing SAC ralhrang le palek nih cun lampi ah mi an chek hna i zaan suimilam 7;oo hnu tiangin a vak mi cu kan in kah hna lai tiah thawng an thanh colh. Ralhrang pawl nihcun mifir pawl hi minung 3 an si imotor pakhat an hman tiah an tar chih.Chin Knowlegde media

Relchap: Nawlngeihnak lak a duhlo mi phu poh he hi uknak thalo hi kan dohti lai tiah KNU nih thanh; Hramhram in nawlngeihnak an lak mi a duhlo mi phu pohpoh he hi uknak thalo hi kan dohti lai tiah KNU nih September 4 ah phunglut in an thanh.

“Federal le democracy thazaang thawnter ding ah fek tein kan dir i hi uknak thalo a dotu asiloah a duhlotu zeibantuk phu pohpoh he dirti in kan dohti lai,” tiah KNU nih an cathanh ah an tial.

SAC ralkap pawl tuahtonak in i runven nakding ah bawmh a herh mi hna cu mizei an si hmanh ah a si khawh chung in bawmh ding, ramchung ral a hram dothlat ding, adikfel mi remdaihnak pawl kong ah lam dang kawl in tawlrel ding tibantuk zong an tialchih.

Rammi mizapi zong nih zalongte le tlukruang tein mah le tikhawhnak zawn cio in thazaang chuah cio ding forhfialnak cathanh an chuah.THT