Michigan Sofware Ruangah Maw, Trump Cu Biden Nih A Tei Taktak Ko Hnga?

Tutan US thimnak cu lung a buai ko. Kum dang bantuk cu a si ruam lo hih. Tutan US thimnak (Election) cu buainak le complain nak deuh lawngte a hung si cang. Trump tanhtu a simi Republicans hna nih cun Michigan i Vote thlaknak seh software dik lo ruangah vote 600 bak remh a si hlan ah Biden a pek manh tiah an chim. Vote thlaknak seh a that lo ti hi, riantuantu Local election officer Antrim County nih cacawn nithum ni ah khan a theih hi a si. Biden nih teinak a hmuh hnu lawng ah hi thil an theih hi a si.

A hnu an tuak than tik ahcun Trump nih hi hmun ah hin vote 2000 bak in teinak a hmuh. A sinain Biden nih teinak a hmuh hnu in hi thil an theih than tikah phung ning tein zei hmanh an tuah rih lo. Official tein Trump hi teinak pek a si ti lo. Biden nih State biapi deuhmi Wisconsin, Michaigan teinak an pek ruangah Trump nak in a tu a dir hmun khi a phanhnak a si. Daily Mail nih a van langhter Mirang ca in tialmi hmanthlak in ka vun langhter chih.