Michael Jordan Basketball A Celh Tawnnak A But Kedenh Cu An Lelam i $615,000 In An Cawk

Americann basketball player hminthang Michael Jordan a denh tawn mi a but kedenh (Sneakers) cu lelam nak an tuah i $615,000 an cawk tiah Christie’s Auction House nih a phuang.

Hi a but kedenh hi lelamnak ah cun a man fak bik a si tiah an tial. Michael Jordan cu kum 57 a tlin cang i, 2003 khan basketball cu a chuahtak cang .

A tuhi an lelam mi a but kedenh cu 1985 kum i a rak hman tawn mi a si, zuamnak nganpi a si i amah zong a thazang a tlin lio le a lar liopi a si.

Cu lio ah cun Italy ram ah zuamnak an nei , basketball an i celh lio ah cun cungsang pi ah a hlok i, bawlung cu a thun khawh, a mah hi a thawng tuk mi a si caah a hnu lei i thlalang an chiah mi zong a va pah sual i a kuai dih.

 84 total views,  1 views today

This function has been disabled for Chin 11 News.