Mi Zeng Pa, Pasal Ah A Vat Caah Mipi Nih An Mawh Chiat

US, Minnesota i a nungak nu cu pumrua tha muidawh arfi Hannah Aylward nih pasal hawibang lo taksa cak lo shane Burcaw (kum24) mi a nei ruangah mipi nih an mawhchiat.

Shane Burcaw cu kum 2 a si lio ah spinal atrophy (SMA) timi zawtnak a nei i wheelchair ah an thut ter peng. A kut le ke a tha lo ruangah wheelchair hmang in an vakpi tawn, documentary an tuak nak in an i thei i an duh colh.

Kum saupi chung an um tti hnuah 2020 kum ah an i neih  colh. Shane Burcaw cu capo a duh mi a si i Hannah nih a bia chim mi cu dawtnak te he a ngeih piak zungzal.

You Tube channel, ” Squirmy and Grubs tiin an tuah i Subscribe-tu zawng tampi an nei. Hannah Aylward nih taksa damcak lo mi pasal ah a neih ruangah phaisa a duh tuk ruangah a si tiin mi nih cun an mawhchiat.

 

A tthli tein pa dang he an i kop lai a ti tu azong an um, asi nain mi a cheukhat nih cun an lomhpi tuk hna. A mawhchiat tu an tam tuk ruangah Hannah Aylward nih phaisa ruangah ka vat mi a si lo tiah a langhter.

Zei bantuk thil nan tuah a si zongah soiseltu cu an um hrimhrim ko lai, an in soisel ruangah lungdong hlah uh, nan caah thazaangtu a rak si/ thazaanglak nak ah hmang uh tiin mipi sin ah a chim. An i duh tuk nak zong a chim i inn chungkhar a nuam kan dirh lai tiah mipi cu a theih ter hna.

 91 total views,  7 views today

This function has been disabled for Chin 11 News.