Messi Nih A Ran Nak In Barcelona Club Cu Chuah Tak A Duh Nak Kong A Chim

Barcelona cu Champions League ah an tla i, Messi cu a thinghung tuk i zei tuah awk a hngal lo, Barcelona nawlnei tu pawl siah a ra lai mi summer transfer ah chuah tak a duh nak kong cu a mah bak nih a chim.

Bayern munich pawl nih Champions League quater fanal ah Barcelona 8-2 bak in an tei hna hnuah fans pawl le player pawl cu an thin a hung tuk i, Barcelona an rosungbik Messi zong a lung a tling lo ngai, a thin hung nak bik cu nawlnei tu pawl le player pawl a zumh ngam hna lo a si bik.

Messi cu a hmailei lam a ruah ah a tu i a umnak hmun i a thial lo ah cun a minn hi philh a si te lai tiah a zumh cang, cun club nawlnei tu pawl cawlcangh ning zong hi a duh lo tiah an chim.

A mah Messi le Barcelona nih 2015 i Champions league an lak hnu in a tutiang hi an i zuam ko nain an la kho ti lo.

A contract hi 2023 Maythla ah dihding a si i, chuah tak zokzok a duh, England club Manchester City in Messi hi cawk an timh tiah theih a si i, a tu an coach tuan lio mi hi Messi he rak um ti mi an si caah an cawk hi an zumh bik.

 141 total views,  1 views today

This function has been disabled for Chin 11 News.