Melbourne Chinmi Caah Thawngpang A Thalo Ngaingai!

𝗠𝗲𝗹𝗯𝗼𝘂𝗿𝗻𝗲 𝗞𝗵𝘂𝗮𝘀𝗮 𝗖𝗵𝗶𝗻 𝗺𝗶𝗽𝗵𝘂𝗻 𝗰𝗵𝘂𝗻𝗴 𝗶𝗻 𝗖𝗢𝗩𝗜𝗗 𝗭𝗮𝘄𝘁𝗻𝗮𝗸 𝗮 𝗸𝗮𝗿𝗵 𝗰𝘂𝗮𝗵𝗺𝗮𝗵:
Tulio Melbourne cu stage 4 erhkhumhnak (lock down) dirhmun kan um lio a si. Stage 4 a suallam cu ei din cawk kal zongah family pakhat ah minung 1 lawng a kal lai. 5 kms len a kal lai lo. Riantuan zongah worker permit ca ken buin riantuan a hau mi dirhmun i kan um mi khi a si.

Mizapi [pulic] nih Cozah nawl ngai tein kan um cuahmah lio ah Melbourne Nitlaklei ahcun COVID ai chonh mi kan tam chin lengmang ti thawng kan theih. Ziah mah cu zei tin dah an in chonh khawh ning a si ti kan hlethlai tikah chim ngai loin len kai a hmang mi kan tam ngai rih. Zoh a chia hringhren. Miphun dang tu nih kan theih hram hna hlah seh! Department of Human Services nih tha tein inn ah um (quarantine – erhkhumh) tiah nawl pek buin duh paoh leng a chuak sallam mi kan um. Cun, COVID zawtnak a ngei ti theih ko mi zong nan i test duh hna lo tiah thawng kan theih.

Kan nih Chin miphun cu mitlawm te kan si. Tulio cu an ram media nih mi zei mipeem community sin ah dah mah pulrai hi a karh bik tiah an kan kawl cuahmah lio a si. Kan hnu ah Melbourne Nichuah le Nitlak kalnak nitlak lei deuh City link pawng i Cozah inn (public housing) khuasa mi hna vawilei cung pi thei in media nih an miphun le an biaknak tiang an tial langh dih hna kha theih cio a si.

Cucaah, kan hnu zarh in mi inn a leng mi na si sual ahcun kan miphun dawtnak te he;

1. Inn ah rak i erh khumh hrimhrim uh.

2. Kan Chin community chungah kan tar nu/pa damlonak a ngei cia mi hna nan chonh sual hna ahcun an nunnak tiang tih a nung mi dirhmun ah an um kho.

3. COVID-19 zawtnak a hmelchunh na ngei
ahcun rak i test colh uh. Man pek a hau lo. Free tein i test a si ko. Kan Chin mi tampi an i test cio ko.

4. Nan duh le duh lo zongah Cozah nih khawi ka in dah an in chonh ning (tracing) an tuah caah Cozah hna nih hramhram in test ter mi na si lo ding tu kha a biapi tuk lai.

5. Mah zawtnak hi zei hmanh a si lo ti hlah. Cozah le mi fim thiamsang hna nih tih a nung tuk ruang le minunnak a la kho ding mi zawtnak a si caah ram pumpi economy billions in sungh cuahmah bu in Stage 4 erhkhumhnak tiang hi an tuah mi a si.

6. Nangmah le Keimah kan rian cu Cozah nih kan caah a tha bik a chia mi phungphai hna kha lung awtom lo tein zulh ding a si.

7. Nan community upa hna le biaknak lei upa hna zong an lungre a thei.

8. Kan mah Chin community bantuk cawncannak sang zong a ngei lo mi hna chung in chimh ngai lo kan tam ahcun miphun dang le Cozah hmai ah mualphohnak tu a si.

9. Atu ning in chimh ngai lo le upa cawnpiak zong zei kan rel lo i kan karh chin lengmang ahcun media ah kan chuak kho. Media voikhat kan chuah cang hnu ahcun a kan dawi peng cang lai.

 232 total views,  2 views today

This function has been disabled for Chin 11 News.