Media Thawngzamh Ruangah CNA/F Camp Sakhaan Pi Cu Ralhrang Kah An Timh Mi A Si Lo

Media Le Hmursau Ruangah Camp Victoria Cu Vanlawng In Kah An Timh Hi Asilo

Rallokap nih Raldohnak ah an kal tikah, Map an I ken tawn (Hlan ah). Computer le IT chan kan phan tikah GPS an I ken. IT (Information Technology) Fimthiamnak a karh tuk tikah, Mobile ah GPS app cu khumh khawh asi. GPS I ken loin, Mobile nih map an kan chimh, hmunhma le area cu tah khawh asi cang. GPS pakhat man cu USD 500 asi. Mobile pakhat cu USD 80 – 100 in cawk khawh asi. GPS cu Bo Thum pa nih a ken tawn. Tuchan ahcun GPS ken a herh lem ti lo. Mobile I ken ah tah khawh asi. Internet a ngah nak lawng ah Mobile GPS cu hman khawh asi.

GPS cu internet loin hman khawh mi asi. GPS in an tah cia mi cu Computer hmang in Google Earth he an peh tikah, to / ṭhut hmun in zeizong te hmuh khawh asi. Mobile in kan thlak mi hmanthlak nakin an fiang deuh. Pe khat velchum ah aum mi Khaubawk le Rungrul tiang hmuh khawh asi. Jet Fighters in va zuang in va kah ah, nganh khawh asi ti lo. Missile in ṭhut hmun in kah khawh asi cang. India nih Kawl Ralhrang a bawmh mi IT thilri le IT hriamnam kha mah bantuk ah hmang mi asi. Mobile hmang in GPS tah mi zong Computer le Google he an peh ve. USA nih Huawei Mobile a duh lo mi kha hi ruangah a si. Huawei Mobile phone cu SPY le Intelligent caah hman khawh asi caah asi.

CNF / CNA cu 2011 ah ramchung ah an lut, NCA in an kan kalpi. Camp Victoria umnak nawl cu Cozah nih pek mi asi. CHRO tuahnak nawl an pek hna. Chin State Day (Ramkulh Ni) kha CHIN PHUNPI NI (CND Chin National Day) an kan thlen piak. Camp Victoria cu Ralbawi nih an va zoh piak hna, a hmun bitkau zong an tah piak dih hna. Rungtlang nih an tah GPS in dih cang.

Tlangpi le Vanzang Camp zong GPS in Rungtlang 266 le Biuha nih an tah dih mi asi. NCA can lio asi caah Zalon tein I len kai khawh asi lio can asi. CNF / CNA nih 266 le Rungtlang ah an len khawh bantukin Rallokap le an minung zong nih Camp Victoria le an camp dang zong zalon tein lenkai khawh asi ve. Rohingya an pek mi ID a dum muici kha an pek ve hna caah kawlram hmunkip ah khualtlawn nak nawl cu CNF / CNA nih an ngei. Cucaah Paucan Dohthlennak aa thawk hlan kum 11 ah khan Camp Victoria cu Rallokap nih GPS in an tah dih cang timi hi kan hngalh a herh.

Camp Victoria ah Dalaan um khawh asi ve ko, Mobile GPS in a tah lai I, a kuat khawh ko hna, Nain Hlan lio an tah cia mi he cuaithlai nak lawng ah an hman lai. Kawl Rallokap kan tlaih I thong kan thlak mi hna nih siseh, CDM tuah mi Kawl miphun si hna seh, Dalaan cu an um khawh ko. Nain a dang konglam tu ah Dalaan an si lai. GPS in tah in Jet Fighters kah ding tiang in Map chuahpi mi hi a luan cia Kum 10 hrawng ah asi mi asi cang. CHRO nih an tar mi Map le hmanthlak kha hlan lio in an tah cia mi asi lai. GPS tah le Hmanthlak ruangah si loin Camp Victoria tuk le hrawk a duh hrim ca tu ah asi deuh. Media ah nan pho I, nan hmursau caah ti mi hi cu thildik asilo. Na ruahnak le na feeling tu asi deuh lai. Camp ah Rallokap an lut ter hna tiah rak zai cio asi kha.

Media nih kan aukhuang caah Vawleipi nih an hngalh I an kah ngam lo tu khi asi deuh. CHRO le RFA nih 18 November 2022 ah Vawleipi hngalh in an phuan caah an kah ngam lo mi asi deuh. Cucu media thawng in asilo maw. Thil hi hnu lei (tuanbia) ah thuk pi tiang pilh hnu ah, a dik le dik lo hngalh hnu ah phuang le biachimh hi cawn ve cang uh, Kan ram le miphun damnak asi.

Ralhrang Rallokap cu ke ral in an sungh zungzal, a thih an tam tuk caah Vanral dohnak lawng a hmang cang ti hi Vawleipi Media kip nih phuang cio asi. 4 July 2022 ah Myanmar Now, 29 October 2022 ah RFA nih an phuang diam cang mi asi. Mr. Frank Ledwidge, Oxford University nih The Limitation of Air Power: Aerial Warfare: The Battle For The Skies timi tlangtar in vawleipi theih in a rak phuan cang mi asi. USA National War College Professor Zachary Abuza nih Stimson online biaruahnak ah a chim ve. SAC nih Vanral dohnak lawng hmang in Mipi a thah hna ati. Vanlawng Diesel le Datsi a hmuh khawh lo ding in tuah ding kha a biapi in a chim. Chinmi nih Media ah kan ṭial I kan phuang ruangah Camp Victoria hi tuk asi lai lo ti hi kan hrawm hna.

Be the first to comment

Leave a Reply

Your email address will not be published.


*