Mbappe Hi Ronaldo Bantuk A Si: Ibrahimovic

Zlatan Ibrahimovic nih a chim mi cu ruah phu ngaimi pakhat a hung si. Zei ko dah a chim tiah cu Kylian Mbappe hi a thatuk i, Brazilian hmaikal Ronaldo a lo tuk tiah a chim.

‘EI Fenomeno’ tiah kan theih tawnmi, Brazilian superstar Ronaldo kha Europe ram chungah tuanbia thatha a tial ta i, Barcelona, Real Madrid, Inter Milan le AC Milan hrawng hi caan a hmannak hmun an si.

Brazilian striker Ronaldo kha a chan lio Brazil cu World Cup laksawng a lak pi hna lai 2002 ah khan champion si khawhnak tuanvo ngaitu bik a si. Germany striker Miroslav Klose hi Brazil Ronaldo nak in World Cup ah kawl thun tam deuh um chun a si.

Bawlung tuanbia chim ah hin cun Ronaldo hi vawleicung footballer ropui hna lakah chim dingah aa tel zunglai lai. Zlatan Ibrahimvich zong nih Ronaldo cu a thangthat ngaingai i, Paris Saint Germain star he a tahchunh hna hi a si.

Tulio player  lakah cun Kylian Mbappe hi Ronaldo bantuk bak a si i, a ngakchia cun kum 19 hrawng lawng a si rih caah a hmai lei caah ruahchannak caan tha tuk a ngei tiah a ti.

Biatak tein a zuam peng ahcun a hmalei lam hi a tha tuk lai i, tulio nak in tih a nung deuh lai tiah a fiang. Kum 19 hrawng a si lio ah Vawlei cung bawlung chuih thiam hna lakah a tha pawl a si I, daithlan lo tein a zuam peng ding hi a herh tiah a ti.

Ronaldo bantuk bak in Kylian Mbappe hi kum 20 a tlin hlan ah  World Cup title a lak cang I, a nih pahnih hi player tlik cak taktak mi an si pin ah kawl thun kho taktak mi an si ve a ti.

 422 total views,  1 views today

This function has been disabled for Chin 11 News.