Maw Pasal Tha Ka Fa Le, By Pu Ceu Ham

Maw pasal ttha ka fa le, – Sunghnak hi cu mu, i zuamchih cun hmuh tthan khawh an si.

– Kangh le uh cu mu, sak tthan khawh le tuah tthan khawh a si. – Leiba thlaiba hna cu, dam ahcun cham tthan khawh a si. – Zawttlak pulcum cu mu, cawk tthan khawh a si.

– Zawtfah chiahru zong khin mu, si le ai he dam tthan khawh a si. – Thil tlau cu mu, kawl tthan khawh si. – Rian hna khi mu, kan tuah manh lo mi khi tuah ttuan tthan khawh an si.

Maw ka fa le hi tluk i nan mah bantuk pasal ttha kan miphun nih a herh tuk lio ah hin….huu Hmuh tthan, tuah tthan, kawl tthan, cham tthan, cawk tthan , hramh tthan, ttuan tthan awk ttha ti lo hi tluk thih fah vun ton cu lungthin nih a celh hin lo.

Nun cangh hmunhnak kan tum vanram in rak kan ttanpi ko kun uh law…nan tum chan ttha kan phak in nan thawng nan min kan cawi te lai mu. Kal chung ai uh law Nan pa…. Catialtu; Pu Ceu Ham