Matyrs Salute! Salai Aung Linn Htun; Salute Kan Pek!

Coporal Aung Linn Htun hi mifel a si. A thekvak a ṭha. Mi mithmai a zoh. A mithmai a panh. Camp Victoria ka kal tawn ah coka ah a rak i tuai lengmang. Senkhat a si lio in ka thei. Rawl kan eikhawh ah khengṭawl a ka tlauh. Ka lung a ṭha lo i a bia ka al. Nihin a thawng theih cu ka ngaih a chia tuk.

Hakha siizungpi ah CNA ralkap an i thlawp mi nih khua a ka ruahter. Keimah cu Camp Victoria ah CNF Public Health Care Program in Batch No.4 Medic Training dih mi ka si. Camp Victoria ah Siizung ṭha mi te a um ding hi Chin mipi nih kan i zuam awk a si.

Kan ralkap hna an ngandamnak le Health Care system ṭha mi a chuah khawhnak ding ca ah ngandamnak kong a ruat, a cawng mi hna nih kan i zuam a herh tuk cang. Salai Aung Linn Htun; Salute kan pek. Tantak mi chungkhar le ralkap hawi, Bawipa nih in hnem ko hna seh. Kan thinlung ah nan um camcin. Matyrs Salute! Credit: Salai Tial Hram Ling

Thawngpang Dang: CNF Kong Ah: CNF le Kawl ralkap biaruah cu kan chaithiam lo ngaingai. Nain nan i tong fam cang cu teh. Zeiti ṭha. Nan i hal mi tu pasal an biakam tlinh ve hna seh. Kan mipi an tlaih mi hna hi a rannak in thlah hna sehlaw, khuapi khuate ah dai tein lam kan zawh mi hi hnahnawhnak kan pe hna hlah seh. Kan sianghleiruun ah um hna hlah seh. Bia dawh lo a lo hnga. An ekcar hmanh hmuh kan duh lo. Hmailei ah cun kan miphun ralkap, kan ramkulh ralkap nih Rungtlang in kan khualipi kilven ding zong chunmang kan man lai. CNF hi kan dawt. Kan zohthla.

Lamkal ai palh sual lai tiah heh kan siik le kan cak, kan bawmh awk a si. Kan miphun he ai ṭhen kho lomi an si. A huat bel kan huat thai awk a si lo. Cun, online cung lawng in heh maw tiah CNF doh/den ding a si lo. A neem tuk sual lai, a lawdor tuk sual lai tihi kan phan tuk ding a si. Kan duhfahnak kan theihpiak hram uh. Cun, Kawl ralkap nih zurit bu luklak le chawnh awk ṭha loin kan miphun hriamtlai an ton hna timi thawng a chuak. An kan nehsawh le zei an kan rel lo khi a si. Ralkap cu dingrep ngei ding an si. Order ningin a kal mi an si. Cu kong ka ruah ah ka thin hi a ka khen!