Mask A Zuar Mi Le An Zuar Mi Masks Tamtuk An Tleih Hna

Indonesia ah a voikhat nak bik Coronavirus a um tiah thawngthanh nak an tuah le cangka in masks cawk ding ah mipi pawl cu an kal cio hna i minung an tamtuk caah masks an zuarnak dawr pawl nih a tlawm hna lo.

Cun Indonesia khualipi a si mi Jakarta City chung ah hin mipi pawl an tamtuk ngamsam i masks an chiahnak mi building pawl nih minung a tlum ti hna lo. Cun phungning loin Indonesia chung ah masks a rak luhpi tu hna minung pahnih le siivai ai tal mi masks tampi zong police nih an tleih hna i a tu hi an chekhlai cuahmah hna lio zong a si.

Hi an tleih mi hna minung pahnih hi Indonesia ramchung ah nawlpek nak umlo in anmah duh ning paoh in masks a zuar mi an si caah masks zuar ding in an phurh mi ting 6 hrawng he tleih an si tiah theih a si. “Mask an zuar mi hi a manfak tuk in an hauh, cun mipi sinah a si lo ning in thawngthanh nak an tuah ruang ah mipi nih chungkhar ei le din nak hmanh in masks ah an buai deuh cang i minung tampi nih harsat nak an tong cang, hi hi a hman lo ning in mipi sinah chawhleh nak an tuah mi a si caah kan tleih mi hna a si’ tiah Jakarta police bawi pakhat nih cun a chim.

Hi masks a zuar mi hna pahnih an tleih mi hna hi biaceih an si hnu ah an palh nak hmuh piak an si ah cun kum 5 thongthlak ding le tangka tampi dantat hna ding an si lai tiah zong police bawi nih cun a chim.

Ref: Mizzima

 328 total views,  1 views today

This function has been disabled for Chin 11 News.