Martin Van Bawi Lian: Zapi A Huapmi Thanchonak Kan Herh (Ruahti Ding) (Inclusive Development)

Zapi a huapmi thanchonak kan herh (Ruahti ding) (Inclusive Development)

******************************
Khualipi ca lawng ah thanchonak kan tuah ding asi lo!

* 17 May 2017 Chin State NLD cozah nih mei (meter man) man ah thla fat in sing 800 -1000 Ks (80-100 million Kyats) a lak in kan liam piakhna tiah, Spokespersons Salai Isaac Khen nih a tial

* May 2018 ah WWF nih hlathlainak (study) a tuahmi ah Chin State chung ah Electric mei a ngahmi 100% ah 15% lawng an si tiah a tial

* 2014 Kawlram milu relnak (Census 2014) nih a langhter mi cu Chin State chung ah khuate ah (rural) khua a sa mi 79%, khuapi (urban) khuasa mi 21% an si tiah a tial

* Nihin Chin State ah Electric mei a ngahnak hmunhma vialte hi khuapi lawngte deuh ah a si

* Khuapi ah khua a sa mi tam deuh cu tangka ngei deuh mi le khuasa kho deuh an si i, mi tam deuh cu mahte in mei (meter) man aa pe kho deuh ding lawngte an si

* Khuapi um in khua a sa kho deuhmi caah a lak in thla fatin Ks 80-100 million tluk Chin State tangka (Budget) chung in liampiak hi a dik kan ti kho hnga maw? Chin State Budget khuapi ca lawng a si lo, khuate nih an covo ve awk a si.

* Chinram thanchonak (Development) hi khuapi um 21% mipi ca lawng ah a si awk a si lo. Khuate um 79% nih an tinco khawhnak hnga zapi a huapmi thanchonak (inclusive development) kan tuah ding a si.

Zapi a huapmi asiloah a huap kau deuhmi (all inclusive development) a um khawh nak caah zeitin dah cozah, hluttaw nih plan a tuah awk a si. Zei bantuk phung (policy) kan kalpi ah dah— zapi a huapmi thanchonak (all inclusive development plan) kan ser khawh lai? Ruahti cio ding in kan sawm hna!

Salai Van Bawi Lian (Martin)

 

 90 total views,  1 views today

This function has been disabled for Chin 11 News.