Manny Pacquiao Cu Anram President Thimnak Ah Ai Zuam Ve Cang Lai

Vawlei cung boxing minthang a si mi le abik in Laimi nih kan uar taktak mi Philippine ram mi Manny Pacquiao  cu aralai mi Philippine thim nak ah ai zuam ve lai tiah The Sun thawngzamh nih a rak tial. Manny Pacquiao hi 2007 thok khan ramkhel leiah biatak tein a rak lut cang mi a si i House of Representative thim nak ah vote tlawmdeuh a rak hmuh ruang ah a rak tling kho lo.

Asinain 2016 ah khan minung 16 million nih vote an rak pek than caah senator ah thim a rak si. Manny Pacquiao nih cun state lawng ah uktu si ding lawng hi a si kho ti lo ti a ruah ruang ah a ralai mi 2022 i Philippine ram President thim nak ah cuh ve ding in a chim hi a si.

Tulio ah Philippine ram President cu  Rodrigo Duterte a si i 2022 kum ah thimnak an tuah than ding a si cang caah  Rodrigo Duterte le Manny Pacquiao hi an i zuam cang lai, Philippine ram mii zong nih tulio an ngeih mi president nak in Manny Pacquiao  hi a let in an duh deuh caah 2022 President thim nak ah Manny Pacquiao hi a tling hrimhrim lai tiah an zumh.

Manny Pacquiao hi ramkhel ah a ruang ruang ah le President thimnak ah ai zuam ding a si ko nain boxing ring in ka dincang tiah a chim rih hlei lo pinah traning zong nidang khel bantuk tein a ngei kho peng tiah reporter pawl nih cun an langhter. Manny Pacquiao hi Philippine ram President thimnak ah ai zuam ve lai ti hi The Sun nih a rak tial mi a si.

 137 total views,  1 views today

This function has been disabled for Chin 11 News.