Mandalay Le Yangon Khuapi In Kahnak Kan Domh Lai Tiah PDF Nih An Chim

PDF nih an thanh ning ahcun hawi hlan ah i timh bik mi cu kawlram khuapi bik Yangon le Mandalay le Naypyitaw hin kahdohnak kan thawk lai tiah an thanh bak ko., ralhrang thazaang an thawng bik nak hmun hi Mah khuapi hmun thum hi a si. Hi hna tei ahcun kawlram cu a dih bak khi a si ko. Mah caah cun Tlangcung hriamtlai nih mah le umnak hmun cio an phomh hna lai i, PDF nih khuapi pawl an luhhnawh ve lai i, kahnak cu a fak taktak ko lai.

Asinain teinak lam a fawi biknak cu mah hihi lam lawng a tang cang caah PDF nih nizaan ah thawng an thanh cang. Yangon mipi i tim uh tiah an thanh cang. Mandalay zong cu thiamthiam an si ko. Mandalay ko hi PDf an cahnak hmun a si. Naypyitaw belte hi a tu tiang ko rih ahcun an cawl kho tuk lo. a sinain kahnak le ralthawnh ding a si ahcun hmun tampi ah PDF nih hmun an khuar ko tiah theih a si.Joseph

Relchap: SAC ralchanh in dohdalnak pawl fak chinchin in tuah a si cang lai caah Yangon khuasa hna nih ralring tein tthutdir ding le NUG ralthawh thawngthanhnak ttha tein ngeih ding in PDF nih forhfialnak an tuah.

Myanmar ramchung PDF bu vialte i fonh in Area 21 timi khuapi raldotu bu an dirh i Yangon mipi timhcia tein um ding in forhfialnak an tuah hi a si. Area 21 bu cu NUG tlangtlaknak tang ah a cawlcangmi khuapi chung raldotu bu a si ti zong an langhter.

“Area 21 chungtel vialte hi NUG he pehtlaihnak ngei in mahle sining cio in a cawlcangmi kan si. NUG nih bawmhnak a kan pekmi a um bang in kanmah tein Fund kan i kawlmi zong a um,” tiah Area 21 hruaitu pakhat nih a chim.

“SAC nih Myanmar ramchung khua kip control ding in an i phakzo lo hmanh ah Yangon le Mandalay hi cu fak khun in tlaih an i zuam lai. Cucahcun, Yangon, Mandalay le Pegu tibantuk khua pawl hi SAC kut an tuar tuk ding kan duh lo,” tiah a chim chap.

SAC ralchanh in khuapi chung dohdalnak pawl PDF nih fak khun in tuah an timh cang caah Yangon khuasa hna nih hliamham a pumi pawl thlopbul ningcang thiam i zuam ding in le SAC ralhrang kut in runvennak ngeih cia ding in forhfialnak zong an tuah.

Yangon khuami hna nih mahle si khawh tawk cio in PDF ralkap pawl bawmhnak pek ding zong in cu forhfialnak ah cun an langhter chih. “Abiapi bik caan kan nai thluahmah cang. Cucaah, Yangon khuami hna nih NUG thawngthanh hngak in PDF ralkap pawl hi nan ti khawhnak lam kip in kan bawm cio u,” tiah PDF hruaitu pakhat nih Myanmar Now ah a chim.The Chin Journal