Mandalay khuapi ah a um mi palek pawl cu an celh ti lo tiah theih a si.an umnak hmun hi ralring taktak in suimilam 24 chung din loin an um caah an celh tilo tiah an theih a si. Mandalay palek sakhaan hi a caan ah cun an thuat lengmang hna caah thinphang in an an um ko hna tiah theih chih a si.
An ba tuk cang caah a duty mi pawl zong an i hngilg tawn tiah an chim chih. it loin caan caan pi ralring tein kan duty caah kan ba taktak tiah mi pakhat nih a chim. Sau deuh a rauh ahcun kan celh lo i, sakhann siseh camp maw kan veng peng caah kan ba tukcang tiah an ti.
Kan ngut lio ah kan kap hna seh law kan thih zongah a poi lo tiah kan i ruah. Mipi nih an umnak hmun hna an kan hnawh sual ah an ti i Palek umnak pawng cu lam an phih dih tiah theih a si. A cung lei ah kan langhter bantuk in Palik pawl an ba tuk cang , mah bantuk a si peng ko rih ahcun an rian hi an tuan kho ti lai lo.
Relchap:Naypyitaw -Yangon lampi pawng ah chinmi umnak khua 2 cu September 3 zing ka te ahkhan Ralhrang nih an luh hnawh hna i an tuar tiah theih a si. Bago ramthen kyauktadakha peng i chinmi umnak Aung Min Kung khua le SitBoGyi khua cu Sep 3 khua dei hlan ah SAC ralhrang nih an luh hnawh hna caah patling cheukhat le mino tampi cu a himnak hmun ramlak ah an zaam hna tiah khuami palhat nih a chim.
Innpatlel Ohsuh i kan mah chinmi umnak hmun khua 2 ah meithal an ser tiah theih a si caah ralhrang nih zinglei suimilam 4 hrawngah mah khua hi an luhhnawh hna. NLD Party chungtel minung 10 an tlaih hna. Lampi ah an hruai hna i thawngthanhnak an nei hnu ah, chun ah an thlah colh hna tiah khuami pakhat nih a chim.Falam online media
Leave a Reply