Mandalay Khuapi Ah Ralkap Bomb In An Puahhnawh Hna A Hliam Mi An Um I, Ralkap 4 An Thi

Nihin Mandalay khuapi AUngmaethasan myo, 19 street le khuapi chung tlanglawng lam kam ah a ummi kawl ralkap check point pakhat cu bomb in puah hnawh a tong i kawl ralkap a tlawm lei in minung 4 an thi i a dang zeimazat hliamhma an pu tiah theih a si.

Khuami pakhat nih a chimnak ahcun, “Tuzing suimilam 10 hrawng ah khan cu kaa check point zawn cun puahkehnak thawng a thang ngaingai mi kan theih, cu le cangka in ambullance tampi an tlik colh, tlawmpal ah thawng kan theihmi cu ralkap minung 4 an thi tiah an chim tiah a ti.

“Cu kaa hmun cu ralkap nih an cawngh i an check cuahmah caah a pawngkam ah cun kan va kal ngam lo tiah a ti. A kaptu hna hi motor in an rak ra i an kah hna, cu kaa check point cu ralkap nain police hi an tam deuh caah a tutan a thimi zong hi police deuh si dawh an si” tiah a chim.

Cu kong ahcun Khit Thit Media nih cu kaa pawngah a ummi phungki pa zong an pehtlaih i fiang tein thil sining zong fian ternak a tuah cang. A thimi hna hi minung 3 nak tlawm lo an si i, a tu cu sizung ah a dang a thi lomi zong an kal pi dih cang hna tiah a chim ve.

Ref: Khit Thit Media