Mandalay Ah Ralhrang Nih Khinhmi Veng Khuabawi Tuanmi Nu Meithal In An Kah That

Mandalay ramthen Myint Nge Myo Aung Chan Veng khubawi Thet Thet Cho cu tini july 14 zinglei Suimilam 7 am hrawngah motor cycle in minung pahnih ai phirh mi nih meithal in an kah that tiah theih a si.

mah Daw Thet Thet Cho hi ralhrang khinh mi veng khuabawi a si i, Lamzawh in duhlonak a langhter mi pawl a thli in ralhrang sinah a report tawntu a si. A mah nih a report hna caah an veng chungah tlaihkhih mi tampi an um. Cu caah Thet Thet Cho cu an veng mi nih Dalaan tiah an auh. Nihin zingah an vengchung mask an phawt ve nain mipi report tu a si caah an kah nak hi a si.

Myint Nge khuami pakhat nihcun” Zinglei suimilam 7 hrawngah a hawi le pawl he Mask an phawt lio cuahmah lio ah motor cycle a phirh mi minung pahnih nih meithal in an kah i, Veng bawi tuan mi Thet Thet Cho a colh. Mah meithal a kap tu hna hi an tlai kho rih hna lo, Cun Veng khuabawi a tuanpi hawi minung 3 zong an hliam hna i hliam fak an tuar tiah theih a si.Vapual Net