Malaysia Ralzam Hna Caah Lockdown Le Zulhphung An Chuah Mi Vialte Thawngthanh Nak An Tuah Mi

Kuala Lumpur, Selangor & Putrajaya: CMCO Zulhphung

1.  Khua dang le khua dang ah rian ttuan umkal a ngah lai lo. Asi nain, boss te nih a herh bak tiah nawl peeknak ca an ngeih ahcun sianh an si ko lai.

2.  Inn chungkhar pakhat ah duhherh bazaar kal duhmi cu minung 2 lawng kal a ngah lai.

3.  Sianginn, cacawnnak, ngakchia lente celhnak le a dangdang cawnnak pawl zong tuah a ngah lai lo.

4.  Pumhnak, thlacamnak le Mosques kal zong a ngah lai lo.

5.  Lente celhnak, mipi umnak puai tuah le tthit umh puai tuah pawl a ngah lai lo.

6.  Nuamh heihnak le nightclub pawl on a ngah lai lo.

Asi nain, hi hmun chungah chawleh thalnak he ai pehtlaimi cawlcanghnak pawl cu tuah a ngah ko lai.

Sabah: CMCO Chungah Zulhphung!

1.  Bazaar on caan: 6am – 2pm

2.  Zan bazaar on a ngah LOH.

3.  Siizung le siikhan cu nazi 24 chung on a ngah ko lai.

4.  Pharmacy le adang sii dawr hna on caan: 6am – 6pm

5.  Taxi le Grab cu a tam bik minung 2 lawng 6am – 8pm tiang a ngah lai.

6.  Rawl dawr on caan 6am – 6pm tiang.

7.  Datsii rawnnak/Petrol hman caan: 6am – 6pm

8.  Mipi mawttaw/bus hman a ngah lai LO.

CMCO (Conditional Movement Control Order) cu 14-27 October 2020 ah zulh dingmi an vun chuah chungmi a si. A dangdang zulh ding le tuah khawh lo ding an vun chap ahcun thanh khawh kan i zuam tthan te lai.

CMCO (Conditional Movement Control Order) Chuahthan Asi Lai

Selangor, Kuala Lumpur le Putrajaya hmunhma pawl cu caan sining zoh in chawhvah le cawlcangh cu phihkhar asithan lai, October 14, 2020 zaantim bak in thok le ot than asi lai.

Humhimnak lei I tuanvo ala mi vuanci Ismail Sabri Yaakob nih Covid 19 zawtnak cases cu Klang, Petaling, Gombak and Hulu Langat ah akarh than ruang caah asi tiin achim.

“Hmunhma dang pawl ah hi zawtnak rungrul karh terlonak ding le ahlankan tein ikham/ven cianak ding caah ram humhimnak veng tu phu (National Security Council) zong nih Klang, Petaling, Gombak le Hulu Langat hmumhma pawl ah CMCO pehzulh than ding cu an lung atling ve” ti ah tuni facebook in ton I chimrelnak ah achim.

Note: Acung lei thawng thanh he peh tlai in iralring cio than han usih. MCO thok ka bantuk kha asi ko ti khawh asi.

Siaherhnak he,

CRC