Malaysia Online UNHCR Sonak Kong Ah Biapi Theih Awk Tete

Online UN soknak kong ah a biapi ngaimi kan theih aw tete tlawmpal in langhter ka hun duh. Mahhi online UN soknak hi a biapi taktak mi a si.

Kum 2013 in UN nih mithar an lak i cu hnu ah a tu tiang hi mithar an la ti lo. A zawfak bawmhchanh a haumi tu cu UN nih an lak tawn ko hna nain zapi caah UN nih mi an la ti lo.

A tu ah Malaysia UNHCR nih online in UN soknak a hun tuah tikah UN nih mithar a lak ti usih law kan palh tuk lem lai lo. A ruang cu UNHCR tu bantuk hi cu hlan ah a tuah balmi a si lo. A hlan UN nih a sangsang le a tlangtlang in min a lak bantuk kha cu a buaithlak deuh a ti ruang ah Online in zangdam tein mithar laknak a tuah mi a si ko. Khakha kan ruah awk pakhat a si.

Cun, ruah awk a um rih mi cu Malaysia UNHCR nih tubantuk in Online min laknak a tuah tikah hin kan nulepa min zong ai tel lo. Kanmah kan min, kan chuahkum, kan Email, Malaysia kan phak ni thla le kan konglam tlawmpal lawng a si tikah hin UNHCR nih milurelnak sawhsawh, Malaysia ah UN lut rih lomi minung zeizatdah an um hnga tiah theih a duhnak sawhsawh lawng zong a si kho. Cucu kan ruah awk pakhat a si than.

A zeisihmanh ah UNHCR nih tubantuk in online in min laknak a tuah tikah min pek cio kha a sualnak pakhat hmanh a um lo. Mithar a lak ding a si lebang ahcun UN card kan ngah kho tinak kha a si ko.

Mahhi UN nih online in minlaknak a tuah mi hi mithar laknak ding caah a si taktak ko ahcun form nan phit i nan send thlu bak khan number te an in kuat colh hna lai. Reference number an in kuat colh hna lai. Mah kha number te kha nai chingchiah peng lai. Mah number te khan UN nih mi an auh te lai i UN zung innka na luh khawhnak ding a si lai. Kum 2020 kumthar in cun mi an auh theu lai tiah ka zumh. Cucaah na Gmail le na phone number zoh kha philh bak hlah.

Ramthumnak langh har tuk ko hmanh sehlaw Malaysia ahcun UN card ngeih hi a sunglawi tuk. Tlaihkhih in kan himnak ding a si hlei ah rian kan tuan khawhnak hnangam deuh tein a kan umter tu a si. Kum 2020 hnu cun UN thawngpang hi a tha lei deuh a panh ko lai tiah zumh cio a si.

Tutan ah UN nih online in min laknak a tuah mi ruang ah Laitlang ah a ummi na chung le benh lo ding le cah lo ding a si lai. Online min laknak a tuah mi ahhin cutin khatin kan ti lai timi UN nih official in thawng an thanh rih lo caah lungsau in hngah rih ding a si ko. Rak share ve.

 

 403 total views,  1 views today

This function has been disabled for Chin 11 News.