Malaysia le India Chin Refugee Kong Ruah ah Cun Trump Hi President Ah A Si Kho Bak Lo

Atanglei cabia hi Zasang Cinzah nih a page ah a tial mi a si. Zasang Cinzah hi catial zong a thiam i a tial mi zong hmual ngei ngai mi a si. Hi a tial mi zong nih hin mipi ruahnak tampi a funtom khawh rih lai tiah ka zumh.

A ra dingmi US thimnak ahhin President tling seh tiah ka duhmi ah ka buai pah ngai tukum cu. Zeicatiah, ISIS le ralhrang kong ka ruah ah Trump ka duh. US Visa le chungkhar sponsor kong ka ruah ah Joe Bidden a tha fawn lai.

US Economic kong ka ruah ah Trump ka duh deuh fawn. Malaysia le India ah Chin Refugee kong ka ruah hna ah Trump cu a si kho bak lo. Miphun thleidan kong ka ruah ah Trump nakin Joe a tha deuh lai ka ti tthan. Khrifa/ religion rights kong ahhin Trump hi a biatak deuhmi a lo fawn.

Foreign Policy kong ahhin Joe nakin Trump ka zumh deuh tthan rih. Abik in China dirh-awnhnak ahhin Trump hi a pasal deuh lai ka ti. Ramdang bawmhnak or mihar bamwhnak/ aid kong ahhin Trump cu a si kho deuh tthan hawi lo. Joe hi a ttha deuh lai ka ti.

Lairam ah nupi a ngeimi le chungkhar a sponsors mi le Chin Ralzaam vialte nihcun Trump a sungh i Joe a tlin khawhnak hnga ding caah thla an cam cio lai tiah ka ruah fawn. Pathian nih zeitindah khua a khan te lai? Aho an tling hmanh ah duhtling dih dawh an si lo.

Catialtu: Zasang Cinzah 

 149 total views,  1 views today

This function has been disabled for Chin 11 News.