Malaysia Chin Ralzam Sinah Ralring Taktak In Um Ding In Thawngthanh Nak

Puchong ummi ralrin peknak: Mihrokhrawl an ra, innka onh hna hlah uh. Nan min (passport le UN card) pe hna hlah uh.

Puchong ummi paoh rak kua cio hna ulaw.

Tunai 12:30pm ah kan inn ah an ra. “Pest Control Department kan si. Malaria le zawtnak phunkip rungrul thahnak sii kaptu kan si. Innka kan onh law nan inn kan check lai” an ti.

“Khuazei rammi dah na si?” an ka ti i “Myanmar” ka ti cangka in an ral ṭha tuk. Pa pathum (3) an si. Zung rianṭuan bantukin cauk le ball pen an i put.

“Innka ong” tiin an ka hnek chih peng i “ka boss ka chawn hmasa lai” ka ti hnu ah “boss chawnh a hau lo, innka on loin na passport le UN card (identity) kahin ṭial law a za ko, RM40 lawng na liam lai,” tiin cauk le ball pen an ka pek.

Ka duh lo i “boss ka chawn hmasa lai” ka ti chih hnu ah “ok, chawn law keimah he kan i chawn lai” tiah an hruaitu pa (kum 50 hrawng) nih aa ka ti.

Inn boss ka chawnh cangka in lo diam an zaam.

Inn boss nih “mihrokhrawl an si, Lahwahkah (immigration) le palek lawng nih na passport le UN card an in hal khawh, midang paoh cu mihrokhrawl an si” ati.

Kan inn hmai le inn cung ummi Indonesia cu an hlen khawh cang hna.

Tesco le Puteri ummi pawl nan inn an ra kho men, innka rak onh hna hlah uh. Nan passport le UN min le number rak pe hna hlah uh.

Catialtu: Tial Lian Thang