Malaysia Chin Ralzam Hna Caah Theih A Herh Taktak Mi Thawngpang

Malaysia ah a ummi Chin miphun hna nihin August 28, 2020 ni ah Prime Minister nih Movement Control Oder ( MCO ) cu December 31, 2020 tiah peh ding in thawng a thanh cang.

Malaysia ah phungning loin a ummi Khrihfabu, committee, Organization tibantuk minung tampi a buin um kha tukum chung a ngah ti lai lo tinak a si. Biakinn pumh tukum chung a ngah lai lo tinak a si.

UNHCR an kal ning zong tukum chung cu a tulio bantuk an dirhmun in a si ko lai. Virus ruang ahhin Australia kalnak zong a hnursuan tuk cang. UN riantuannak a khul a nuar tuk. Tukum chung cu tihin an si ko lai.

Malaysia ah COVID – 19 mizaw thar an hmuh peng fawn hna ruang ah a si.

Sihmanhsehlaw lungrethei tuk cun um ding a si lo. Virus ruang ah a cangmi thil a si ko. Malaysia ahhin kan zoh a si ahcun nikhat hnu nikhat in virus mizaw thar a tlawm lei an panh chin lengmang ko cang. Pathian sinah biatak tein thla kan cam ahcun virus hi a thiang dih te ko lai i MCO an peh cia mi hi an ngol than te ko lai. Virus boruak he ai pehtlai mi a si.

Malaysia ah virus mizaw an um ti lonak hnga fak piin Pathian sinah thlacam cio ko usih.

laknak: Malaysia Chinmi Authawng

 153 total views,  1 views today

This function has been disabled for Chin 11 News.