Malaysia Chin Ralzam Caah Pumh Nak Kong He Pehtlai In Hal Mi Cu Bialeh Nak An Rak Tuah Cang

Ralzam pumnak kong bia hal nak ka tuah mi cu tu zing ah Malaysia UNHCR a lu bik nih leh nak a rak tuah cang . Kei mah nih ka hal mi ah cun nizan ah Chin mi biakinn on than nak ding caah Ministry of National Unity lei nih zul ding mi SOP an rak ka kuat mi he pehtlaih in UNHCR lei i ruahnak ka hal hna.

UN lei nih an ka chim mi cu biakinn kong cu kan mah kan rian a si lo i cozah nih chuah mi nawl tu kha zul ko u tiah an ka let. Cozah he long in a pehtlaih mi a si caah UNHCR lei nih cu yes or no ti le zulh ding mi phunglam kan chuah kho lai lo. Nan mah tein in ralrin tein cozah phunglam tu kha rak zul ko uh tiah an ka leh.

A suallam cu Malaysia um Chin mi biakinn on than kho a si cang ti nak a si. Na tein, kan on than tik ah thei a herh mi hna pawl cu SOP zul hrimhrim ding kha a biapi ngai. Biakinn chung ah social distance nan tuah lai i a tlum ti lo mi cu inn ah tin ding a si ko lai. A hlan a rak i pum tawn mi milu cheu thum ah cheu khat hrawng in thawk hmasa sisehlaw a tha lai.

A lut nak kutka ah min tial nak le thermometer chiah in upa lei nih tuanvo lak an hau ko lai. Min cazin le phone number pawl biakinn chung lut lai ah tial hrimhrim a hau lai. Music tu kha cu thang tuk lo in tuah rih sisehlaw a tha lai. Pum dih ah biakinn hmai hawi le kom hngak in a bu bu in um lo ding. Pawngkam i complain an tuah sual ah cun zei ti hmanh tuanvo lak kho a si ti lai lo.

Kan mah ACR tang i um mi biakinn pawl caah cun a rau hlan ah Ministry of National Unity i pek mi SOP cu kawlca in kan kuat dih hna lai i zul hrimhrim a hau lai. Kan mipi le kan dawrnak kan biakinn pawl him nak caah a si. Theih ding mi cu SOP zul lo ruang ah dantat mi cu zeitin hman tuanvo lak kho a si lai lo.

Note: Biakinn luh nak ah kut tawlnak ( Hand Sanitizer) chiah hrimhrim ding. Biakinn chung caan ( Pumhnak service)hman lio zong ah aa pum mi nih mask hman dih hrimhrim ding.

Chin mi Pathian nih rak kan um pi ko seh!

Dawtnak he,

ACR Chairman

James

 89 total views,  2 views today

This function has been disabled for Chin 11 News.