Mah Ruangah Hin NLD Hi Cu Vote An Tlak Lo!

Ara laimi November thla ah Myanmar rampi thimnak tuah asi cang lai. Mah thimnakah vote tamcem a hmumi Party or ( Coalition government) nih tu hnu kum nga(5) chung ram an hruai than lai. Rampi huap in Party dirmi NLD le USDP etc.. nih zeibantuk manifesto le policy dah ram hruainak ding caah an ngeih timi langhter ka tim lo. Tutan cu Zeiruangah dah NLD party nih chinram chungah teinak hmu se law, term hnihnak cu rak kan hruai rih ko seh tiah upa lungfim nih an duh timi ka rak langhter lai.

Myanmar nih a hmanmi Democracy kan ngeih khawhnak ding caah biatak tein a cawlcang mi cu NLD party lawng asi timi hi upa lungfim nih cun an theih. Cupinah Chinram nih federal state kan ngeih khawhnak ding caah lam sertu le Surlu tlaitu bik cu NLD party lawng asi ko timi hi kum tampi myanmar politics ah experience a ngeimi Upa lungfim nih cun an theih fawn.

Chinram ah hin minung 478801( 2014 census) hrawng kan um. Kum 2019-2020 chung Chinram Growth Domestics Product (GDP) cu $330 asi i, vawlei pumpi ram sifak bik min cazinah pathumnak ah kan i tel. Chinram chhungin thil chhuakmi zeihmanh a umlo pinah inghahnak dang kan ngeihlo caah, GDP a san khawhnak ding cun politics lei kan thiam a hau timi upa lungfim nih cun an i fiang i, kum 50 chung cozah riantuan ning an zoh tikah NLD Party riantuan ning a tha cem timi Upa lungfim nih cun an theih cu!!!.

NLD party nih Chinram caah kum nga chung an riantuan ning zohtikah excellence mark cu an hmu kholo nain satisfactory mark belte an lawnh. Development and infrastructure project an tuahmi hrim hrim hi kan budget zoh cun lunglawmhlo awk a thalo. Mah thil an tuahmi nih hin a roh hlanah thanchonak lam a kan pek lai.

NLD party nih Vice President a kan pekmi hi chimlo ding cun a pamtuk ka ti. Myanmar ram pumpi milu hi 55 million hrawng kan si i, mahchung in ting 5 lawng milu umnak chin mi chungin Vice President kan ngeih khohmi hi Pathian thluachuah sunglawi tukmi ai pinah NLD cozah ruang asi. Kan tefa hna chan ahcun Henry Vanthio konglam hi caa in an cong te lai tiah zumhnak ka ngei.

 221 total views,  1 views today

This function has been disabled for Chin 11 News.