Kan theih cio bang in mipi umnak ah ral an um lo ti an hngalh bak buin SAC ralhrang nih mipi umnak bak ah bomb a thlak i minung tamtuk kan nunnak a liam cang. Tunai lawng ah nikhat ah chinram hmun htum ah bomb a thlak.
Nikhat bak ah Mindat peng khuate ah bomb an thlak, Webulah ah an thlak, Vaar ah an thlak, attaktak tiah cun Varr ah cun an thlak awk a si ko. Hmun dang mipi umnak hrimhrim ah bomb thlak phung a si lo.
A haizingah Tlangpi khu ah bomb an thlak nolh. Cu lawng si lo, Thantlag ah an thlak chih.Chinmi hi kan cihmih hrimhrim an kan timh lo. Khuafo bomb an thlak nak ah minung 10 an thi i hliam tuar mi an tam khah, Webulah ah bomb an thlak i minung 9 an thi than. Chinmi kan dir hmun zoh tik ah kan caah ttih a nung chin leng mang.
Raltuk i kan tei deuhdeuh hna a si ahcun mipi that le nawn bak kha aa timh mi a si i a poi ko. Sagaing ramthen ah Zahan tihni i kahdohnak Sagaing ah hin ral an sung tuk i An mipi hna cu celh chuak loin an thah an nawn hna i tuksapur thihnak tiang an tong. Sagaing ram then ah Nikhat bak ah ral an um lo buin minung 100 bomb in an thlak hnawh hna i an thah hna.RFA nih an langter nig ahcun bomb a kan thlak ahc hin PDF zong kan um lo mipi bak hi a kan thlak hnawh ko tiah an chim.
A ruang cu ral an sungh nak hmun cu an mipi hi khuaruah har in an tuar ve. An mipi kha an target an si tinak a si ko. Chinramah ral an sung i hihi a cang hoi ko. Kan cihmih a kan tim caah ralring taktak in kan mipi hna kan um a hau. Ral An sung deuh mipi kan tuar deuh lai cucu an i timh bak mi a si ko. Bawipa nih kan chin mipi kan veng hram ko seh… Pa Hram KB
Leave a Reply