Mah hna nuva hi Kalaymyo inn kip ah lutchuak in , Oxygen cawk nak caah an ti i,phaisa an khawlh hna, Oxygen cawk cu chim lo an mah nuva nih an hmuh mi phaisa cu an zaam pi dih.Kalay lei nih an tar ning ahcun Tamu ah a um mi an si tiah theih a si.
Covid zawtnak ruangah hmun kip an buaipi a si i, hitluk an buai le an lung retheih lio ah hibantuk mi hlen a hmang mi le tihnung minung rak um hi cu a poituk. An kan dehhlen lonak dingah i ralring cio hna usih.KALAYMOY
Relchap: CDM tuah mi hna rian hmun a lawng mi ah caantha la in riansok mi kan in zohsawh hna lai lo: TCSS; Tedim Civil Society Support (TCSS) nih Tedim Sii-inn ah CDM a tuah mi hna rian hmun a lawng mi ah caantha la in riansok mi kan in zohsawh hna lai lo, tiah an thanh.
Midang nih an hmuhcia mi rian kha kaltak in le nunnak thaap in hmailei caah tiin ral an doh lio ah a kaltak mi rian hmun ah caantha la in riansok mi hna cunkannin zohsawh hna lai lo.-CDM a tuah mi hna zawnruat loin rian na sok ahcun na umkalnak thil pakhatkhat nih an zulh lai (na tong lai).
-Rian a autu zong nih a rannak in kan fimpiak than u (ngol u). -Nan riantuan ning hi SAC phu leitang nan si pin ah CDM a tuah mi hna nan dohkalh hna bantuk a si ca ah mizapi nih fakpi in dan kan in tat hna lai, tiah an thanh. -Riansoknak ca a chiatu hna mincazin zong mizapi hmuh ding in kan phozar lai tiah an thanh.THT
Leave a Reply