MAH A Sual Ning Hi Khuaruahhar A Si Ko , Amah Nawlpeknak Bak In Hi Thil Hi An Tuah Ko

MAH A Sual Ning Hi Khuaruahhar A Si Ko , Amah Nawlpeknak Bak In Hi Thil Hi An Tuah Ko
Min Aung Hlaing nawlpeknak in Mandalay ramṭhen, Pyin Oo Lwin khua lai sang 3 ah tualchung mi inn hna cu zanṭim ah anmah tein an i ṭheh, tiah tualchung mi hna sin in theih a si.

Pyin Oo Lwin khua lai ah a ummi tlakrawh inn hna cu Min Aung Hlaing nawlpeknak in March ni 28 ah nan ṭheh dih cikcek lai. A ṭhet lomi cu kanmah nih kan ṭheh dih lai an ti hna caah inn ngeitu hna cu anmah tein an i ṭheh, tiah theih a si.

Pyin Oo Lwin khua lai ah a ummi tlakrawh inn hna cu March ni 28 ah hrawh dih ding a si. Pinsi lakphak dawr, Phulahmin sii dawr le sang 3 zung hnulei inn hna zong hrawh dih ding a si. Thingyan tik i Min Aung Hlaing a rat hlan ah hrawh dih ding a si, tiah theih a si.

Inn hrawhpiak a tongmi hna hi tam deuh cu Muslim an si i, nawlnak ca ṭial zong a ngah ti lo. Mi an chah ngainak Pyin Oo Lwin khua lai cu mifir le damiah an tam chinchin i khua rop bantuk khi a si cang ko, tiah tualchung mi pakhat nih a chim.

SAC chairman Min Aung Hlaing nih Pyin Oo Lwin ah humhimnak ca ah tiin tualchung mi inn cu atu le atu a hrawhpiak hna. Cu vialte inn a hrawhmi cu an fanu le a fapa nih chawleh chawhrawlnak an tuah khawhnak ding ca ah tiin a timhpiak hna, tiah theih a si.
Crd.. TCP