Lungthin Nih A Celh Hrim Lomi Rebecca Van Sui Par Thihnak

Kan naunu Rebecca Van Sui Par (kum 11) thihnak thawngpang nih Lai mi vialte ngaihchia le lugkuai in an kan chiah dih hna. Ti ah apam tiah thawngtheih a si ni thok in zeitik ahdah a ruak hmuh chuah khawh a si lai tiah lungrethei le ngaihchia in rak um cio a si. Tiva ah apam mi a si bantuk in nithum chung an si khawh chung in an kawl hnu ah a ruak zong an hmuh than cang tiah thanwgtheih than hi a hun si.

USA ram Kansas City tiva ah a pam mi Rebecca Van Sui Par (Kum 11) cu nihin ah khan an hmuh cang tiah thawng theih asi. Anih hi Zarhte Ni ah khan tiva ah a pam hi a si. Chungkhar he tiva an kalnak ah Bawlung tiva chung char dingin a kal ah tihrah nih a dawp i an chanh khawh ti lo hi asi tiah Kansas city lei thawng zamh Fox4KC nih a tial.

Van Sui Par hi Kansas city um Lutuv Khrihfabu chungkhar asi. Anih hi hlasak a thiam mi minote asi. Khrihfabu le chungkhar sahlawh nih an tlaihchanmi nute asi. Mah tihin ruah lo tuk in a kan kaltak caah hin USA um mi Lautu mi hna dihlak kan ngaih a chia hringhran ko. Tan taakmi chungkhar hna Bawipa Pathian nih rak hnem hram ko hna seh.

Ngaihchiat nak a tong mi chungkhar hna Pathian tunih hnem ko hna seh, nan ngaihchiatnak hrawmpi bu he ……..

Credit: Salai Biak

 247 total views,  1 views today

This function has been disabled for Chin 11 News.