Lungler Khua Pawng le Sopum Khua pawng ah Vanlawng nih Bomb An Thlak

Nihin zinglei ah Thantlang peng, Lungler khua kiangkap ah SAC ralhrang nih Fighter Jet vanlawng in bomb an thlak. Lungler lei ah a kalmi SAC ralhrang motor pakhat vanlawng nih a ven i, Sopum pawngkam hrawng ah bomb a thlak tthan.a video…

https://www.facebook.com/thechinjournal2017/videos/1707981889412628

 

Relchap:Kalay peng chungah September 8 nizaan ah Khuabawi minung 2 cu meithal in an kahthat hna hnu ah khua 5 khuabawi hna cu rian din nak ca an tial.

Kalay peng Lah (လ)khuakomh khuabawi U Shwe Zam Thang, Chin Suh khua khuabawi U Van La Mon, Aung khua khuabawi U Tin Lin Mg, Myah Sing khua khuabawi U Won Sin Puang le Sin khuakomh khuabawi U Suah Ling hna cu September 9 ni ah rian dinh nak ca an tial tiah ramkhel kong ah riantuan mi pakhat nih a chim.

” Nawlngeihnak lak hnu in khua tam deuh khuabawi cu rian in a din mi an tam. A tu hna hi cu rian dinh lo in pehzulh in a tuan mi hna an si. A tu cu an tih i rian an i dinh nak hi a si. Mipi hna sin ah zumh a tlak lo mi cu a lam ning tein kal a si ko lai ” tiah Kalay myo ramkhel pakhat nih a chim.

Kalay peng chung ah September 8 Zan Kalay peng Maw Si khua le Pin Kone Kyi khua ah khuabawi 2 cu Dalan thiahtu phu nih an mah inn ah meithal in an kahthat hna.

Kalay peng chung ah ralhrang lei tang mi zei bantuk minung a si mi poh poh cu thianh nan si lai tiah khuami hna nih an chim.#DVB;TCP

Be the first to comment

Leave a Reply

Your email address will not be published.


*