Lunglawmhnak Thawngpang: Ralhrang Minung 5 An Hriamnam He PDF Sinah An I Fonh Than Ee

Letpantaung Hmun In SAC Ralkap 5 Cu An Hriamnam He CDM An Tuah

Letpantaung(လက်ပံတောင်း) tlang ah humhimnak latu SAC ralkap 5 cu hriamnam he CDM an tuah tiah theih a si.

September 12 ah SAC ralkap bawino pakhat le ralkap 4 cu CDM an tuah i SAC ralkap pawl nih an kawl hna caah a himnak hmun ah kan chiah cang hna, tiah PDF ṭuanvo ngeitu pakhat nih a chim.

“Letpantaung tlang ah humhimnak latu SAC ralkap bohnih pa le ralkap 4 hna cu, meithal le zen- kuan tam ngai he CDM an tuah. Dohthlennak chungah maw an luh lawlaw te lai, zeitin dah an cawlcangh ning a si ṭhan te lai ti cu kan thei rih lo,” tiah PDF ṭuanvo ngeitu nih cun a chim.

“PDF ralkap hna cu ral tuk loin caan sau deuh kan um ahcun kan um thiam ti lo, ral tuk lawngte kan duh cang. SAC ralkap tu cu kanmah bantuk a si lo. Ral kan tu lai, ralhmai ah kan kal lai ti an theih ahcun an ṭih tuk, an um thiam ti lo,” tiah PDF ṭuanvo ngeitu pa nih cun a chim.

Atu kar hrawng hi SAC ralkap CDM a tuahmi an tam ngaingai. Hi hnu hmailei zongah a bubu le a Battalion in mizapi sinah aa fonhmi an tam te kho men, tiah zumh a si.

Relchap>>>>>Chinmi caah lam a har chin thluahmah cang lai. Laimi hi kan ei bik mi tirawl hi kalay hrawng i facang a si . A tu lio ah cafang man a kai i kawl nih lei an thuang ngam tilo. kum vio caah ei ding a har taktak lai. Sifak caah nun a har taktak lai. Cu lawng si loh kan ral ruang ah harsat nak a chap thluahmah lai.

Fawi tein le ralkap hi kan tei hna lo caah laimi hi kan harsa thluahmah cang lai. A tulio ah kawlram thilman fah ning zoh tilk ah sifak pawl anmah te hna in an i that cang. Cu dir hmun cu kan phak ka lawng si rih.

Kawl ralkap hi kan tei zokzok hna lo a si ahcun mipi caah nun a har taktak cang lai. Cu caah ramleng khuasa hna nih kan miphun zawn kan ruah taktak lo a si ahcun laimi sifdak tampi kanmah le kanmah hmanh i thah a fawi te cang lai. Ralhrang teinak dingah thlacam daithlang lo a biapi taktak. Pa Ceu

Zeitluk in dah a tulio mihar le sifak zaang an fah cu chim hau lo in hngalh dih a si. rian tuan ding a um lo . Lam kip a caan a tam cang i chin ram hmanh ah thil man van a tawng i mipi mihar pawl cu chung si vang in um cio a si.

Ramchung ah ral a zaam mi hna hmanh bawmhnak pek lo ding in ralhrang nih an kham hoi hna. Thil kan i cawk khawh hmanh ah a lam a har tuk. Chungkhar khuasa cio caah nunnak lam a fawi tilo. Tukum ah Ralhrang hi kan tei hna lo a si ahcun mipi tampi ti le rawl lo in kan thi cang lai tianka a si ko.

Cun thilman a fak chin thluahmah rih lai. mipi caah nunnak lam a har lai, rian tuan in hmun mi phaisa an hmu kho fawn tilo. kawlram chung ah facang chguah nak bik hmun a si mi kawlram mipi nih kan ei mi Sagaing ramthen ah lei an thuang kho tilo i kawlram mipi caah facang a tawn cang lai. A ruang cu ram chung kahdohnak a fak bik nak hmun hi Sagaing ramthen a si .

Laimi kan i dawt i kan neih mi kan i hrawng hna lo a si ahcun kan pawng kam minung miharsa hna hi tirawl loin thih a fawi. laimi hi tlang lo thlawh le leikuang in a tampi kan i cawm hna i, A tulio ah Falam peng le Thantlang peng ah an facang kung ruangrul nih an ei hna i an facang a car dih. kan har chin thluahmah cang. Ralkap kan tei hlang chung cu sifak caah nunnak lam a har ko lai tihi ka hmuh ning a si. Pathian nih kan miphun kan kilven hram seh. Pa Ceu Lm

Be the first to comment

Leave a Reply

Your email address will not be published.


*