Lunglawmhnak Thawng: PDF Nih SAC Ralhrang Sakhaan An Lak Pinah Ralhrang Ceilak An Thah

Kalewa peng ralhrang palik camp pakhat PDF nih an lak, palik 7 thi

Kalewa peng ah a um mi ralhrang palik camp pakhat cu PDF pasalttha hna nih an luh hnawh i an kah caah ralhrang palik minung 7 an thi tiah theih a si.

Nizaan tihni Zing (September) 18 ni zing sml 6:05am hrawng ah Kalewa peng Ma Sein khua ralhrang palik camp cu PDF-Kalewa nih an kah hna. Cu camp kahnak ahcun ralhrang palik minung 7 an thi i hliam hma fak tuar buin a zaam mi zong an um caah an va th ichap kho men tiah an langhter.


Asinain kahdohnak PDF lei in aho hmanh hliamtuar le thi um loin him bawmtein hnu an pil kho. PDF nih cun an hriamnam zei maw zat an lak dih hnu ah Ralhrang palik camp cu mei in an duah i an kal tak.

A tang hmanthlak hi ralhrang palik sin in an lak mi hriamnam an si.

Relchap>>>>>>Kan Chinram rakap hna nan tha a baa taktak cang ko lai. Nan ralktuk caan a hung sau cang hriannam tha huaha loin ralhrang nihhin tiang kan miphun zawnruah ah nan doh hna.A tutan ralhrang nih Timit hlei remh than an timh mihi thinphang ngai a si ko.

A ruang cu ralhrang nih um lkalnak Hlei an remh khawh a si ahcun Thanthlang khuapi ah tampi motor ka in an i chek lai i khuate kip luh an i zuam lai. khuate an luh khawh nak hmun ah um hmun an khuar lai i ttih a nung ngai cang lai.

Cu lawng si loin Thantlang ralhrang a um mi hna hi hriamnam duhchung in an chanh khawh hna lai i Thantlang a hngak tu kan ralkap CDF le CNA hi an tuar tuk fawn lai. Timit hlei hi remh khawh bak loin nan tuah hna a hau ko. Kan miphun ralkap hna nanbaa taktak cang lai. Nan mipi nih nan mah caah thla kan cam peng ko ee.

Relchap>>>>>N bawmhnak motor runpi (ယာဉ်တန်း) cu Thailand le Bangladesh lei in kawlram chungah luh an i timh….

A chim bantuk in a tuah tawnmi, Lawyer pakhat zong a si mi, United Nations High Commissioner for Human Rights i hotu thar Volker Turk nih cun, mi harsa pawl bawmhchanh nak ding caah UN motor runpi cu Bangladesh le Thailand ram in Myanmar ram chung lut ding in ready kan si cang a ti…

UN nih minung he pehtlai in bawmhchanhnak a pek mi kha, kawl ralkap nih aa khamh peng rih a si ahcun UNHCH i hotu thar Volker Turk i, a raltthatnak cu kan zoh a hau te lai….
Crd….

Relchap>>>>>Ukraine Chaklei ah Russia Ralkap Vava an Tum
===================================
Tutan zarh dih lei sang ah khan Ukraine chaklei i hmunhma a khuarmi Russia ralkap pawl an awlok a chong. Ukraine ralkap nih Russia ralkap ralhruang pawl an kah hna caah Russia ralkap a thongthong ca i tirawl le zenkuan kuatnak lam vialte an chahpiak hna i, Dnipro River in nitlaklei ah a ummi Russia ralkap pawl awlokchong in an um, tiah theih a si.

Russia a tanhtu hna nih biaceihzung ah an i hmanmi headquarters cu Ukraine nih an kah hnu ah, Russia nih a ralkap hmunhma ah ahmanmi laphang sehzung zong Ukraine nih thek dih in a kah than, tiah Sunday ah khan Ukraine officials nih an chim.

Saturday chunhnu in khan cun mah hi khuapi hi a ningpiin kan kut a phan than cang. Khuapi lamtluan kip ah chunnitlak zankhuadei in kahdohnak a um, tiin Russia nih a chim. Ukraine i Russia kut ah a ningpiin a tang rihmi khuapi cu Kherson lawng hi a si cang.
Mah hi kahdohnak ah ai telmi hna hi mizei an si, ti an thei lo.

Ukraine guerrilla ralkap pawl kan kahmi a si, tiin Russia nih an chim. Russia kut si dawh in Ukraine lei nih a chim ve.
Russia ralkap pawl nih khua a zamtak hlan deuh vak ah khua hi an khangh ta ti si, tiin Ukraine President adviser Mykhailo Podolyak nih a chim.
Chaklei i Ukraine nih Russia ralkap pawl an nawr hna hi zarh tamlak a si cang. A sungh an khan lai maw, asiloah an zam lai dah, ti lawng an hngak.

Northeast ah hin cun Russia pawl hi an tumhchuk ngaingai. Asinain chaklei ah hin cun Ukraine pawl dironh dingin hmunhma an lak lio pi a si.
Ukraine lei nih an nawr ngaingai ko hna nain, Russia ralkap a tomtom in hnung an tolh, timi thawngpang belte a um hraw rih lo. Ukraine ralkap hmunhma le khua le khuapi hna cu heh tiah Russia nih a kah tualmal ko rih hna.

Dnipro River in nitlaklei khua vialte lak i Russia kut a tang rihmi cu Kherson khuapi le a pawngkap pengkulh lawng hi an sicang. Russia hriamnam chiahnak, an sakhan le tiva an tannak hlei le tirawl le zenkuan an i chanhnak vialte cu Ukraine nih missile in a kah hna i, Dnipro River ah a ummi Russia ralkap 25,000 hi a dang Russia ralkap sinin then an timh cang hna.

Saturday i laphang sehzung a hrawktu missile 4 kha Ukraine Defense Force an hmual a thatnak a langhtertu a si, tiin Ukraine lei nih an chim. Russia tanhtu hna an biaceihzung a kaptu zong hi anmah Ukraine ralkap nih an si. Cuka ah cun meeting tuah dingin Russia nih timhlamhnak a ngei, ti an theih ruangah a si, tiin Serhiy Khlan nih a chim.
Russia nih chuk le cho in tirawl, hriamnam le minung i cheknak ah an hmanmi hlei an donh chommi vialte hna cu Ukraine ralkap nih an hrawhpiak dih hna.

Dnipro tiva a tanmi Russia tlanglawng thilphurhnak peh 9 cu tiva ah an pil dih, tiah Saturday ah khan Ukraine command nih an chim.
Kherson khuapi lei ah Ukraine ralkap pawl duhsah in an i mer cuahmah cang. Kahdohnak a fak ngai ko nain, duhsah in hma kan nawr ko. Ralhauka lei mipi umkal lo dingin Ukraine nih nawl a chuah.

Kyselivka khuate i an hmunhma pawl cu Russia ralkap nih an chuahtak cang hna, tiin Satellite images nih a langhter. Tuan tein khan mah hi khuate ah hin kahdohnak a fak ngai cang i, Ukraine nih a ningpi in a lak than le lak than lo theihfian a si rih lo.
Vysokopillia khuate pakhat zong kan lak khawh than cang, tiah Sunday ah khan Ukraine cozah nih a chim. Mah khuate i khua a sami hna hi 4,000 hrawng an sibal i, a tu ah cun minung 270 lawng an tang cang. Inn le lo lakin 80% tluk hi cu ai rawk dih cang, tiah Kherson regional office nih a chim.
“Mah khuate i electric, ti, sizung, sikhan le dawr pawl phonh thannak ding a lam a um ti lo, tiin Ukraine cozah nih an chim.

Be the first to comment

Leave a Reply

Your email address will not be published.


*